CamNews

ស្វែងរកកំរិតខ្ពស់
ព័ត៌មានអន្តរជាតិ 

កូរ៉េខាងជើង ប្រកាសសងសឹកដោយអាវុធនុយក្លេអ៊ែរ ទៅកាន់ប្រទេសណាដែល «ថ្លើមធំ» ហ៊ានវាយប្រហារទីក្រុងព្យុងយ៉ាង

(សេអ៊ូល)៖ ប្រព័ន្ធផ្សព្វផ្សាយរដ្ឋកូរ៉េខាងជើងបានឲ្យដឹងថា កូរ៉េខាងជើងបានត្រៀមខ្លួនជាស្រេច ក្នុងការប្រើប្រាស់អាវុធនុយក្លេអ៊ែរ ដើម្បីធ្វើការវាយប្រហារដោយគ្មានអាណិតអាសូរ ប្រឆាំងទៅនឹង សហរដ្ឋអាមេរិក ប្រសិនបើប្រទេសមហាអំណាចមួយនេះ ហ៊ានរៀបចំបើកការវាយលុកដោយ អាវុធនុយក្លេអ៊ែរមកលើកូរ៉េខាងជើង។ នេះបើតាមការចេញផ្សាយ ដោយទីភ្នាក់ងារព័ត៌មានកូរ៉េខាងត្បូង យុនហ៉ាប់ នៅមុននេះបន្តិចនារសៀល ថ្ងៃពុធ ទី០៥ ខែតុលា ឆ្នាំ២០១៦។

ការព្រមានបែបនេះត្រូវបានធ្វើឡើងជាការឆ្លើយតបទៅនឹង សមយុទ្ធយោធាជើងទឹករួមគ្នាមួយរវាង កូរ៉េខាងត្បូង និង សហរដ្ឋអាមេរិក ដែលបានប្រព្រឹត្តទៅកាលពីសប្តាហ៍មុន នៅសមុទ្រជប៉ុន ក្នុងគោលបំណងតំឡើងសាច់ដុំដាក់កូរ៉េខាងជើងបន្ថែមទៀត។ ជាមួយគ្នានេះដែរ សារព័ត៌មានរដ្ឋ The Rodong Sinmun របស់កូរ៉េខាងជើង បានធ្វើការថ្កោលទោសសមយុទ្ធយោធា របស់ប្រជាជាតិទាំងពីរ ដោយបានចាត់ទុកទង្វើនេះថា «ជាការរៀបចំទុកជាមុន ដើម្បីបើកការវាយប្រហារដោយអាវុធ នុយក្លេអ៊ែរ មកលើប្រទេសកូរ៉េខាងជើង»។

សារព័ត៌មានដដែលបានគំរាមថា «ប្រសិនបើអ្នកឈ្លានពាន និងអ្នករករឿងបង្កហេតុណាថ្លើមធំហ៊ាន បើកការវាយប្រហារដោយអាវុធនុយក្លេអ៊ែរមកលើកូរ៉េខាងជើង ពួកគេនឹងមិនអាចគេចរួចផុត ពីការវាយប្រហារសងសឹក ដោយអាវុធនុយក្លេអ៊ែរតបតទៅវិញបាននោះឡើយ»។

គួរបញ្ជាក់ដែរថា កូរ៉េខាងត្បូង មិនធ្លាប់បានជួបពិភាក្សាជាមួយអាមេរិក អំពីការបើកការវាយប្រហារ ដោយអាវុធនុយក្លេអ៊ែរណាមួយ ទៅលើកូរ៉េខាងជើងនោះឡើយ៕



ប្រភព ៖ យុនហ៉ាប់ 


Tags: north korea,  south korea,  missile,  satellite

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......