CamNews

ព័ត៌មានកីឡា៖ សមាគមន៍អ្នកគ្រប់គ្រងសាលាហ្វឹកហាត់បាល់ទាត់ អន្ដរជាតិប្រចាំនៅទីក្រុង ព្យូងយ៉ាង ប្រទេស​កូរ៉េខាងជើង ត្រៀមរៀបចំគម្រោងអញ្ជើញកីឡាករ ជម្រើសជាតិ អាហ្ស៊ង់ទីន Lionel Messi មកធ្វើទស្សនកិច្ច​ក្នុងតំបន់របស់ខ្លួន។​

យោងតាមប្រសាសន៍ របស់ អ្នកស្រី Han Un-Gyong ដែលជាសមាជិក សហព័ន្ធកីឡាបាល់ទាត់ប្រចាំនៅ អាស៊ី បានគូសបញ្ជាក់ឲ្យដឹងថា​ សមាគមន៍បានរៀបចំគម្រោងអញ្ជើកីឡាករ Messi ចូលមកទស្សនកិច្ច​ក្នុងទឹកដីព្យួងយ៉ាង ដើម្បីឆ្លើយតបនឹងតម្រូវការរបស់អ្នកគាំទ្រយ៉ាងសម្បើម​ក្នុងសាលា ។ មិនត្រឹមតែ​យុវ​ជនទេដែលស្រលាញ់ពេញចិត្ដគាំទ្រ Messi សូម្បីតែក្មេងៗកំពុងហ្វឹកហាត់បាល់ទាត់នៅសាលាអន្ដរជាតិ​ទាំងអស់នោះ ក៏មានការស្រលាញ់គាំទ្រជាខ្លាំង  ។ 

ប្រភពដដែលបានបន្ដទៀតថា ខណៈពេលដែលគាត់ទៅ​សាលាហ្វឹកហាត់អន្ដរជាតិនោះ គាត់បានសួរទៅ​កាន់កីឡាករតូចៗទាំងនោះ ចង់ដឹងថាកីឡាករល្បីដែលពួកគេស្រលាញ់ជាងគេគឺជានណា ហើយពួកគេ​អាចឆ្លើយតបយ៉ាងច្បាស់ថា គឺពួកគេស្រលាញ់និងគាំទ្រ Messi ជាខ្លាំងបើសូម្បីតែក្មេងស្រី ក៏ដូច្នោះដែរ។​ពួកគេតែងតែចំណាយពេលអានសៀវភៅ និង តាមដានជាខ្លាំងរាល់ការប្រកួតរបស់ Messi តាមរយៈ​ប្រ​ព័ន្ធ អ៊ីនធើនែត។ មានកីឡាករខ្លាំងៗជាច្រើនធ្លាប់មកកំសាន្ដក្នុងទឹកដីអាស៊ី ប៉ុន្ដែលើកលែងតែ Messi ទេដែលមិនធ្លាប់មក។

នៅក្នុងសាលាហ្វឹកហាត់បាល់ទាត់បច្ចុប្បន្ន មានកីឡាករក្មេងទាំងប្រុស ទាំងស្រីរហូតដល់ទៅ ២០០ នាក់​ដែលពួកស្ថិតក្នុងវ័យ ៩ ១០ និង​ ១១ ឆ្នាំ ហើយកំពុងហ្វឹកហាត់ក្នុងសាខាថ្មីដែលទើបតែ​បើកឲ្យប្រើប្រាស់​ក្នុងឆ្នាំ​នេះ​។ ក្មេងៗទាំងអស់នោះ​​គឺត្រូវបាន សមាគមន៍ចុះទៅប្រមូលមកពីបណ្ដាខេត្ដផ្សេងៗទួទាំងប្រទេស​ ដើម្បីមកបណ្ដុះបណ្ដាល ហើយធ្វើការប្រកួតច្រើនដងដើម្បីជ្រើសរើសអ្នកមានសមត្ថភាពក្នុងវិស័យបាល់ទាត់ ។ 

អ្នកស្រី Han Un-Gyong 

ដោយ៖ អឿ អ៊ុយ
ប្រភព៖ au.news.yahoo