CamNews

ស្វែងរកកំរិតខ្ពស់
ព័ត៌មានអន្តរជាតិ 

មេដឹកនាំកំពូលរបស់ ISIS ឈឺធ្ងន់ បន្ទាប់ពីត្រូវថ្នាំពុលដែលដាក់ក្នុងអាហារ

Abu Bakr al-Baghdadi មេដឹកនាំអង្គការរដ្ឋអ៊ីស្លាម ISIS ត្រូវបានគេជឿថា បានត្រូវថ្នាំពុលនៅ
ក្នុងអាហារក្នុងដែលគេដាក់ដើម្បីធ្វើឃាតជននេះ។

មេដឹកនាំ ISIS Abu Bakr al-Baghdadi និងមនុស្សបីនាក់ផ្សេងទៀត ត្រូវបានគេដាក់ថ្នាំពុល នៅ
ពេលកំពុងហូបអាហារថ្ងៃត្រង់នៅក្នុងទីរួមស្រុក Be'aj ភាគនិរតីក្រុង Mosul ប្រទេសអ៊ីរ៉ាក់ ជិត
ព្រំដែនស៊ីរី នេះបើតាមទំព័រ Sputnik រាយការណ៍កាលពីម្សិលមិញ។

មេដឹកនាំ ISIS ឈ្មោះ Abu Bakr al-Baghdadi ត្រូវបាន​គេ​ជឿថា បានត្រូវថ្នាំពុល ធ្លាក់ខ្លួនឈឺ

ទំព័រ Media News Agency ដកស្រង់សំដីរបស់ប្រភពមួយសុំមិនបញ្ចេញឈ្មោះ ឱ្យដឹងថា ជន
ទាំង៤នាក់ខាងលើ បានត្រូវថ្នាំពុលយ៉ាងធ្ងន់ធ្ងរ រហូតត្រូវបញ្ជូនទៅកន្លែងសម្ងាត់ដើម្បីព្យាបាល។
ក្រុម ISIS សង្ស័យថា ថ្នាំពុលត្រូវបានគេដាក់ក្នុងអាហារ ដូច្នេះទើបពួកគេបានចាប់ខ្លួនអ្នកដែល
ជាប់ទាក់ទឹនដើម្បីវែកមុខរកជនដៃដល់។

Abu Bakr al-Baghdadi កាលពីខែមុន ត្រូវបានគេសង្ស័យថា បានលាក់ខ្លួននៅក្នុងតំបន់ Mosul
បន្ទាប់ពីរយៈពេល ២ឆ្នាំដែលមានពាក្យចចាមអារ៉ាមថា ជននេះត្រូវបានកំចាត់កាលពីរដូវក្ដៅ ឆ្នាំ
២០១៤។

មេដឹកនាំ ISIS ខាងលើ មានអាយុប្រហែល ៤៥ឆ្នាំ កើតនៅក្នុងតំបន់ Samarra ភាគខាងជើងក្រុង
Baghdad។ ជននេះ ធ្លាប់បានធ្វើជាអាចារ្យនៅក្នុងវិហារអ៊ីស្លាមមួយ មុនពេលជួយដល់ក្រុម ISIS
ដណ្ដើមបានទឹកដីមួយភាគធំនៅអ៊ីរ៉ាក់ និងស៊ីរី។

Abu Bakr al-Baghdadi បង្ហាញខ្លួនជាសាធារណៈកាលពីខែកក្កដា ឆ្នាំ ២០១៤។ អាមេរិក ធ្លាប់
បានប្រកាសផ្ដល់រង្វាន់ ១០លានដុល្លារ សម្រាប់ជនណាដែលបានផ្ដល់ព័ត៌មាន ដើម្បីចាប់ខ្លួន ឬ
សម្លាប់ជននេះ៕

ប្រែសម្រួល ៖ តារា
ប្រភព ៖ dailymail


Tags: ISIS,  Abu Bakr al-Baghdadi,  មេដឹកនាំអង្គការរដ្ឋអ៊ីស្លាម,  ថ្នាំពុល

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......