Real Madrid ត្រូវធ្លាក់ចេញពីព្រឹត្ដិការណ៍ Copa del Rey ក្នុងរដូវកាលនេះ ក្រោយពីដាក់កីឡាករខុស
ព័ត៌មានកីឡា៖ ក្លឹបស្ដេចស Real Madrid ត្រូវបានដកចេញពីព្រឹត្ដិការណ៍ Copa del Rey ក្នុងររដូវកាលនេះ ខណៈដែលក្លឹបបានដាក់ជើងប្រកួត កីឡាករដែលស្ថិតក្នុងការហាមប្រាមនៅឡើយ កាលពីប្រកួតជាមួយក្លឹប Cadiz នៅថ្ងៃពុធ។
ខ្សែស្លាបក្រុមជម្រើសជាតិ រុស្ស៊ី កីឡាករ Denis Cheryshev ត្រូវបានស្ថិតក្នុងការហាមប្រាមចូលរួមប្រកួតនៅឡើយ ប៉ុន្ដែត្រូវក្លឹប Real Madrid ដាក់ចូលលេង ហើយកីឡាករបានស្វែងរកគ្រាប់បាល់បានមួយគ្រាប់មុនគេទៀត នៅនាទីទី ៣ដើមការប្រកួត ។
សេចក្ដីថ្លែងការណ៍របស់ក្លឹប Real Madrid បានទទួចដោយផ្ទាល់ថា ពួកគេគួរតែទទួលបានការចាត់វិធាននូវសេចក្ដីសម្រេចចិត្ដមួយឲ្យសមហេតុផល សម្រាប់ដំណោះស្រាយបញ្ហាមួយនេះ។
Real Madrid ធ្លាប់បានលើកពានមួយនេះ អស់រយៈពេល ១៩ដងរួចមកហើយ ស្របពេលមួយដងចុងក្រោយនៅឆ្នាំ ២០១៤។
មេធាវីគណៈកម្មាកាសហព័ន្ធកីឡាបាល់ទាត់ប្រចាំនៅ អេស្ប៉ាញ លោក Francisco Rubio Sanchez បានមានប្រសាសន៍ផងដែរ ទាក់ទងនឹងការដកចេញក្លឹបនេះ ថា Real Madrid បានដាក់ចូលកីឡាករប្រកួត ស្ថិតក្នុងការហាមប្រាមនៅឡើយ ហើយការប្រកួតនេះគឺមានភាពលំអៀងចំពោះ Cadiz ។
Real Madrid មិនត្រឹមតែត្រូវបានដកចេញពីព្រឹត្ដិការណ៍នោះ ទេថែមទាំងត្រូវបាន ពិន័យជាទឹកប្រាក់ទៀត ផងគឺចំនួន ៤៣០០ ផោន ។
គូសបញ្ជាក់ផងដែរថា ក្លឹប Real Madrid ក៏មិនបានដឹងពីព័ត៌មានទាំងឡាយច្បាស់លាស់អំពីកីឡាករ Denis Cheryshev ផងដែរ ព្រោះកីឡាករ ត្រូវបានក្លឹប Villarreal ខ្ចីជើងមិនទាន់ផុតកិច្ចកុងត្រានៅឡើយ ហើយម្យ៉ាងវិញទៀត ក្រោយពីដឹងដំណឹងថា មានបញ្ហា ក្លឹបក៏ប្រញាប់ផ្អាកជើងប្រកួតកីឡាករជាបន្ទាន់ នៅនាទីទី ៤៦ មុនពេលលទ្ធផលនៃការប្រកួត ត្រូវចប់ត្រឹមលទ្ធផល Real Madrid ឈ្នះ Cadiz 3-1 ។
ដោយ៖ អឿ អ៊ុយ
ប្រភព៖ ប៊ីប៊ីស៊ី
- ការប្រកួតកីឡា e-sports ដ៏ធំ នឹងមកដល់ក្នុងពេលឆាប់ៗនេះ… (29/07/2017 10:42:00)
- ទស្សនាវិដេអូហួសចិត្ត! បាល់មុខទីប៉ុណ្ណឹងហើយ មិនគួរណាស៊ុតមិនចូល (09/03/2017 14:06:00)
- ចាន់ វឌ្ឍនាកា បានសម្រេចក្ដីសុបិនរបស់ខ្លួនមួយ មុនធ្វើដំណើរទៅជប៉ុន (02/02/2017 08:57:00)
- នៅតែ១ប្រកួតទៀតប៉ុណ្ណោះ ក្រុមកីឡាករកម្ពុជា នឹងទទួលបានប្រាក់ឧបត្ថម្ភពី (19/10/2016 10:01:00)
- កម្ពុជានាំមេដាយប្រវត្តិសាស្រ្ដពី Asian Beach Games ត្រឡប់មកស្រុកកំណើតវិញ (05/10/2016 11:09:00)
- បាល់ទាត់៖ វិដេអូអប់រំ បង្ហាញពីអ្នកគាំទ្រពិតប្រាកដ ប្រកបដោយភាពថ្លៃថ្នូរ (Video Inside) (05/10/2016 10:04:00)
- League-II លើកដំបូង នឹងលេចចេញជារូបរាងផ្លូវការចុងខែកញ្ញានេះ (15/09/2016 14:59:00)
- បញ្ជីឈ្មោះក្រុមជម្រើសជាតិ ហាត់នៅសិង្ហបុរីចេញជាផ្លូវការ ដើម្បីត្រៀមធ្វើម្ចាស់ផ្ទះ AFF Suzuki Cup 2016 (12/09/2016 10:25:00)
- ជំនួបមិត្តភាព U-16 កម្ពុជា ប៉ះ U-15 ចិន ត្រូវបានលើកពេល តែអ្នកទិញសំបុត្រហើយអាច...? (05/09/2016 11:45:00)
- កីឡាករហែលទឹក ពូ សុវិជ្ជា ត្រៀមប្រកួត Olympic Games មុនគេម៉ោង ១១យប់នេះ (09/08/2016 11:26:00)
កីឡាអន្តរជាតិ ដែលមើលច្រើន
