CamNews

ព័ត៌មានកីឡា៖ រដូវកាលដោះដូរកីឡាករ លើកទី១ ប្រចាំឆ្នាំ ២០១៥នេះបានបិទទ្វារវិញជាផ្លូវការហើយ យប់មិញនេះ ដោយមានកីឡាករខ្លាំងៗមួយចំនួនបានផ្លាស់ប្តូរទ្រនំថ្មីដូច ខាងក្រោមនេះ៖

១. ក្លឹបតោខៀវ Chelsea ទិញបានកីឡាករខ្សែបម្រើជនជាតិកូឡុំប៊ី Juan Cuadrado ជាផ្លូវការហើយពីក្លឹបអ៊ីតាលី Fiorentina ក្នុងតម្លៃ ២៣.៣លានផោន ក្នុងកិច្ចសន្យារយៈពេល៤ឆ្នាំកន្លះនៅទឹកដីថ្មី Stamford Bridge ដែលតម្លៃ ខ្លួនរបស់បុរសវ័យ ២៦ឆ្នាំអាចកើនរហូតដល់ ២៦.៨លានផោនបន្ថែមទៀត ប្រសិនធ្វើបានល្អ ។ ជាមួយគ្នានោះដែរ Chelsea ក៏ព្រមព្រៀងផ្ទេរ ខ្សែប្រយុទ្ធ Mohamed Salah វ័យ២២ឆ្នាំឲ្យទៅ Fiorentina វិញដែររហូតដល់ចប់ រដូវកាល នេះជាលក្ខណៈខ្ចីជើង ។

លើសពីនេះទៀតក្រុម ដែលកំពុងដឹកនាំ ដោយលោក Jose Mourinho ក៏បានលក់ខ្សែប្រយុទ្ធវ័យក្មេង Andre Schurrle ទៅឲ្យក្លឹបអាល្លឺម៉ង់ Wolfsburg វិញដែរក្នុងកញ្ចប់ថវិកាចំនួន ២២លានផោនដែលអាចនិយាយបានថា Chelsea ទិញ បាន១ និងលក់ចេញ២នាក់ ខណៈដែលកំពុងកាន់កាប់ តំណែងកំពូលតារាង Premier League ជាប់បន្តនាំមុខក្រុម ការពារតំណែងជើងឯក Manchester City ៥ពិន្ទុដដែល ក្រោយពីប្រកួត បានស្មើលទ្ធផល ១-១ កាលរាត្រីថ្ងៃសៅរ៍ សប្តាហ៍មុនក៏ដោយ ក្នុងទឹកដី ។

២. ក្លឹបបិសាចក្រហម Manchester United បានព្រមព្រៀងផ្ទេរអតីតកីឡាករជនជាតិស្កុតឡេន Darren Fletcher ទៅឲ្យក្លឹបលេងក្នុង Premier League ដូចគ្នា West Bromwich Albions ដោយគ្មានតម្លៃខ្លួននោះទេ ក្រោមកិច្ចសន្យា រយៈពេល២ឆ្នាំកន្លះនៅទឹកដី The Hawthorns ខណៈដែលក្លឹបគូប្រជែង West Ham United បានបរាជ័យកាលពី សប្តាហ៍មុន ក្នុងការចង់បានកីឡាករវ័យ ៣១ឆ្នាំរូបនេះដូចគ្នា ។

ក្រៅពីផ្ទេរចេញ១រូប Man Utd ក៏បានទិញចូលចេញ ១រូបវិញផងដែរ គឺកីឡាករខ្សែការពារវ័យ ២១ឆ្នាំ Andy Kellett ជា លក្ខណៈខ្ចីជើងរហូតដល់ ចប់រដូវកាលនេះពីក្លឹប អង់គ្លេសដូចគ្នា Bolton Wanderer ។ Kellett ទើបតែបានផ្លាស់មក លេងឲ្យក្លឹបជ្រុះចេញពី Premier League រយៈពេល ៣ឆ្នាំកន្លង ទៅហើយ ។ ខ្សែបម្រើ Wildried Zaha ក៏ត្រូវបានបិសាចក្រហម ផ្ទេរចេញទៅឲ្យក្លឹប Crystal Palace ជាលក្ខណៈខ្ចីជើងផងដែរ ។

៣. ក្លឹបទូកក្តោង Everton ក៏បានព្រមព្រៀងជាមួយនឹង ក្លឹបមាន់ខ្នាយមាស Tottenham Hotspur ក្នុងការផ្ទេរកីឡាករ ខ្សែមប្រើប្រយុទ្ធ Aaron Lennon ជាលក្ខណៈខ្ចីជើងរហូតដល់ចប់ រដូវកាលឆ្នាំ ២០១៤-២០១៥នេះ ។ Lenno បានរក គ្រាប់បាល់ស៊ុតបញ្ចូលទីបាន ៣០គ្រាប់ពីការបង្ហាញខ្លួន ៣៦៥ប្រកួត ចាប់តាំងពីឆ្នាំ ២០០៥មក ក្រោយផ្លាស់ចេញពីក្លឹប Leed United ។ ក្រៅពីនេះទៀត Everton ក៏បានផ្ទេរកីឡាករ ខ្សែប្រយុទ្ធកាមេរូន Samuel Eto’o វ័យ ៣៣ឆ្នាំទៅឲ្យ ក្លឹបអ៊ីតាលី Sampdoria ផងដែរក្នុងតម្លៃខ្លួន បិទជិតមួយ ក្រោយពីធ្វើមិនបានល្អ សោះនៅកីឡដ្ឋាន Goodison Park បន្ទាប់ពីបានផ្លាស់ចេញពី ក្លឹបតោខៀវ Chelsea កាលពីឆ្នាំ២០១៣ ។  

៤. ក្លឹបអាម៉េរិក New York Red Bulls ក៏បានព្រមព្រៀងផ្ទេរខ្សែប្រយុទ្ធ លំដាប់លេខ ១របស់អូស្រ្តាលី Tim Cahill ទៅ ឲ្យក្លឹបរបស់ចិន Shanghai Shenhua ដោយគ្មានតម្លៃខ្លួនផងដែរ ក្រោយពេលកីឡាករជើងចាស់ មួយនេះបានជួយឲ្យ ក្រុមជម្រើសជាតិកង់ ហ្គូរូអូស្ត្រាលី ឈ្នះពានរង្វាន់ ប្រចាំទ្វីបអាស៊ី Asian Cup ឆ្នាំ២០១៥ នៅក្នុងទឹកដីខ្លួនឯង ដោយលទ្ធ ផល ២-១ ក្នុងម៉ោងបន្ថែមនៃវគ្គផ្តាច់ព្រ័ត្រ ៕

ផ្ដល់សិទ្ធដោយ៖ ដើមអម្ពិល