CamNews

ស្វែងរកកំរិតខ្ពស់
កំសាន្ត 

តារាសម្ដែង គង់ បញ្ញាសិទ្ធ លេង​ល្ខោន​ស្នេហា ជា​មួយ​ស្រី​វ័យ​ចាស់​ជាង​ខ្លួន

ភ្នំពេញ៖ ក្ដីស្នេហា របស់អ្នកសិល្បៈល្បី បានក្លាយជាចំណីអារម្មណ៍ របស់មហាជន និងក្លាយជាប្រធានបទក្ដៅ លើសារព័ត៌មាន ក្នុងនោះអ្នកសិល្បៈ មិនទាន់ល្បីមួយចំនួន ក៏ប្រើមធ្យោបាយនេះ ដើម្បីបង្កើនប្រជាប្រិយភាពខ្លួនឯង ឲ្យឆាប់ល្បី និងធ្វើឲ្យមហាជនស្គាល់បានលឿន រួមផ្សំជាមួយភាពសិចស៊ីច្បាស់ជាល្បីកប់ពពក ។

ថ្មីៗនេះបានលេចឮពីចំណងស្នេហ៍ខុសវ័យរវាង តារាសម្ដែង គង់ បញ្ញាសិទ្ធ ជាមួយកញ្ញា ស៊ូ ដាណេ ដែលអ្នកទាំងពីរ មានវ័យខុសគ្នាស្រឡះ ព្រោះតែខាងស្រីហាក់ចាស់ជាងខាងប្រុស និងមិនសមទំនងទាល់តែសោះ ។

ប្រភពពីអ្នកសិល្បៈធ្លាប់ស្គាល់គ្នា បាននិយាយថា ដំណឹងស្នេហ៍នេះ ជារឿងគួរឲ្យអស់សំណើចសម្រាប់ គង់ បញ្ញាសិទ្ធ ជាចៅរបស់លោកយាយ ម៉ែម៉ឺន ដែលកំពុងព្យាយាម សាងភាពល្បីល្បាញក្នុងសិល្បៈ ។ គង់ បញ្ញាសិទ្ធ ក៏យករឿងរ៉ាវហួសចិត្ត ទៅសាងរូបភាពបន្លំភ្នែកមហាជនថា មានស្នេហាជាមួយនាង ដាណេ តារាចម្រៀងមិនសូវមានគេស្គាល់ម្នាក់ ដើម្បីបង្កើន ការចាប់អារម្មណ៍មកលើខ្លួន ។ ប៉ុន្តែការពិតលោក មិនបានស្រឡាញ់គ្នា ជាមួយនាង ដាណេឡើយ ។ ល្បែងស្នេហ៍នេះ សម្ដែងមិនសូវសមឡើយ ព្រោះខាងស្រី មិនសូវសង្វាតលើរឿងនេះ ព្រោះនាងជាស្រីចង់រក្សាកិត្តិយសខ្លួន មិនមែនដើម្បីកេរ្តិ៍ឈ្មោះ ហក់មកស្រលាញ់ប្រុសក្មេង មិនមើលវ័យនោះឡើយ ។

ប្រភពដដែល បានបង្ហើបថា លោក គង់ បញ្ញាសិទ្ធ មាននារីម្នាក់ នៅឯនាយសមុទ្រស្រលាញ់រួចទៅហើយ និងជួយគ្រួសារលោកជារឿយៗ ព្រោះ គ្រួសារលោកជួបបញ្ហា លំបាកខាងជីវភាព ។ ទាក់ទងនឹងបញ្ហានេះ សម្រាប់ គង់ បញ្ញាសិទ្ធ មិនអាចសុំការបំភ្លឺបានទេ នៅពេលនេះ ខណៈទូរស័ព្ទលោកត្រូវបានបិទ ប៉ុន្តែនឹងរង់ចាំការបកស្រាយដោយក្ដីរីករាយ នៅពេលក្រោយ ដើម្បីឲ្យមហាជនបានដឹង៕


ផ្តល់សិទ្ធដោយ ៖ ដើមអម្ពិល


Tags: National news,  local news,  social news,  Cambodia,  Khmer,  Asia,  Phnom Penh

កំសាន្ត ដែលមើលច្រើន

តារាប្រុសស្រី ប៉ុន្មាននាក់នេះ វ័យ ៣០ ឆ្នាំហើយ នៅតែស្រស់ស្អាត

តារាសម្ដែងប្រុសស្រីថៃ ពិតជាស្រស់សង្ហា ស្រស់ស្អាត និងមានភាពទាក់ទាញខ្លាំងណាស់។ នៅឆ្នាំនេះ តារាមួយចំនួន ក្នុងចំណោមតារាទាំងអស់នោះ .......

មកស្គាល់តារាស្រីថៃ ៨ នាក់នេះ ដែលមានស្បែករលោងស្អាតគួរឱ្យស្រឡាញ់

ស្បែកគឺជារបស់សំខាន់ សម្រាប់មនុស្សគ្រប់រូប ដូច្នេះហើយ បុរសស្រ្ដី តែងយកចិត្ដទុកដាក់ថែរក្សាស្បែក .........

តើអ្នកដឹងរឿងដែលបានកើតឡើងនៅក្នុងបន្ទប់ជួលរបស់អ្នកទេ? រឿង "បន្ទប់ជួលជើងកប" មានចាក់បញ្ចាំងនៅក្នុងរោងកុន

គ្រាន់តែអ្នកលឺថាបន្ទប់ជួល រឿងទី ១ ដែលអ្នកនឹកឃើញគឺតើនៅក្នុងបន្ទប់មួយនេះ ធ្លាប់មានរឿងមិនល្អអ្វីកើតឡើង ដែរឬទេ.......