ព័ត៌មានកីឡា៖ ខ្សែប្រយុទ្ធ Man United ដែលបានផ្ទេរជើងចូលទៅកាន់ Real Madrid ក្នុងលក្ខខណ្ឌខ្ចីជើង នោះបានពេញចិត្ដនឹងការសម្រេចចិត្ដនេះណាស់ រហូតហ៊ានអះអាងថា Real Madrid គឺជាក្រុមខ្លាំងបំផុតលើលោក ដែលគាត់ធ្លាប់ស្គាល់។
Javier Hernandez វ័យ ២៦ ឆ្នាំត្រូវបាន Man United ផ្ទេរជើងចូលទៅឲ្យ Real Madrid ក្នុងលក្ខខណ្ឌខ្ចីជើង កាលពីឆ្នាំ ២០១៤។ រហូតមកទាល់ពេលនេះ កីឡាករមានឱកាសចូលរួមប្រកួតបានចំនួន ២៤ ដង ហើយអាចរកបានពិន្ទុជូនក្រុមចំនួន ៦ គ្រាប់ ក្នុងនោះ ពីរប្រកួតចុងក្រោយ កីឡាករអាចរកគ្រាប់បានលបាន ៣ គ្រាប់ ដោយប៉ះជាមួយ Atletico Madrid និង Celta Vigo ឆ្លៀតឱកាស ក្រុមអវត្ដមាន Gareth Bale និង Karim Benzema ។
កីឡាករបានទទួចប្រាប់បន្ថែមទៀតដែរថា ពេលនេះគាត់គឺជាកីឡាកររបស់ Real Madrid ហើយគាត់មិនដឹងថាពេលណាគាត់និងចាកចេញពីទីនោះទេ តែអ្វីដែលគាត់ចង់សង្កត់ធ្ងន់ពេលនេះគឺ ថាគាត់បង្កើតស្នាដៃល្អៗសម្រាប់ក្រុម ។
Javier Hernandez ទទួលបានការគាំទ្រជាខ្លាំងពីមិត្ដរូមក្រុម ក្រោយពីមើលឃើញពីសមត្ថភាពពិតប្រាកដ មួយរយៈពេលកន្លងមកនេះ ។
ដោយ៖ អឿ អ៊ុយ
ប្រភព៖ ប៊ីប៊ីស៊ី