"ភារកម្មកំពុងតែកើនឡើងហើយ" សិង្ហបុរី លើកឡើង ក្រោយមានការវាយប្រហារ នៅក្រុង ឡុងដ៍ សម្លាប់មនុស្ស ៤នាក់
(សិង្ហបុរី)៖ ការវាយប្រហារបានកើតឡើងនៅឯស្ពាន Westminster Bridge ស្ថិតនៅក្បែរសភាអង់គ្លេស កាលពីថ្ងៃពុធគឺជាស្រមោលអន្ទោលតាមប្រាណ រំលឹកយើងឱ្យកាន់តែច្បាស់ពីវត្តមាននៃការគំរាមកំហែង ដោយពួកភេរវករនៅទូទាំងពិភពលោក និងចាំបាច់បំផុតត្រូវមានការប្រុងប្រយ័ត្ន ដោយត្រៀមខ្លួនទុកមុន។ នេះបើតាមរដ្ឋមន្ត្រីមហាផ្ទៃសិង្ហបុរី លោក K Shanmugam ដកស្រង់ដោយសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី២៣ ខែមីនា ឆ្នាំ២០១៧។
លោក K Shanmugam បានសរសេរនៅលើ Facebook របស់លោកយ៉ាងដូច្នេះថា «ការវាយប្រហារដ៏គួរឱ្យរន្ធត់ និងគិតទុកជាមុននេះគឺជាការវាយប្រហារចំបេះដូងប្រជាធិបតេយ្យ និងអាយុជីវិតប្រជាជនអង់គ្លេស ហើយយើងសូមបន់ស្រន់ជាមួយប្រជាជនអង់គ្លេស។ ក៏ប៉ុន្តែទន្ទឹមគ្នានោះដែរយើងត្រូវតែមានការប្រុងប្រយ័ត្ន និងធ្វើការងាររួមគ្នាដើម្បីប្រឈមមុខនឹងការវាយប្រហាររបៀបនេះ ក៏ដូចជាប្រឆាំងនឹងអ្នកដែលចង់លួចសន្តិសុខ និងសន្តិភាពពីពួកយើង»។
គួរបញ្ជាក់ថាបើតាមប៉ូលិសអង់គ្លេស មនុស្ស០៤នាក់ ក្នុងនោះរួមមានប៉ូលិសម្នាក់ និងជនដៃដល់ បានស្លាប់នៅក្នុងការវាយប្រហារភេរវកម្មដោយកាំបិត និងបើករថយន្ដបំបុក ខណៈមនុស្ស៤០នាក់ផ្សេងទៀតបានរងរបួសនៅពីមុខរដ្ឋសភានៃចក្រភពលេខ១នៅអឺរ៉ុបនោះ៕
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
