ត្រីផ្សោត សមុទ្រ ១ក្បាល ទម្ងន់ជាង ១០០គីឡូ ងាប់អណ្តែតទឹក មកទើរ លើឆ្នេរសមុទ្រ
ព្រះសីហនុ ៖ ត្រីផ្សោតសមុទ្រ ១ក្បាល បានងាប់រលួយជាច្រើនថ្ងៃមកហើយ ត្រូវបានប្រជាពលរដ្ឋប្រទះឃើញ នៅវេលាម៉ោង ១១ និង០០នាទីព្រឹកថ្ងៃទី០៥ ខែសីហា ឆ្នាំ២០១៤ នៅត្រង់ចំណុចឆ្នេរហាវ៉ៃ ស្ថិតក្នុងភូមិ៣ សង្កាត់លេខ៣ ក្រុងខេត្តព្រះសីហនុ ។ ប្រភពពីប្រជាពលរដ្ឋនៅក្បែរកន្លែងកើតហេតុ ឱ្យដឹងថា ដោយសារតែប៉ុន្មានថ្ងៃនេះ ផ្ទៃមេឃពោរពេញទៅដោយភ្លៀងខ្លាំង និងខ្យល់កន្រ្តាក់ម្តងៗ ទើប បានធ្វើត្រីផ្សោតសមុទ្រ១ក្បាល ងាប់អណ្តែតទឹក មកទើរនៅលើឆ្នេរហាវ៉ៃ ហើយក៏បង្កឱ្យមានការភ្ញាក់ ផ្អើលដល់ប្រជាពលរដ្ឋក៏មកមើល។
លោក នេន ចំរើន នាយខណ្ឌរដ្ឋបាលជលផល កំពង់សោម បានមានប្រសាសន៍ប្រាប់ដើមអម្ពិល ឲ្យ ដឹងថា ត្រីផ្សោតដែលងាប់នេះជាប្រភេទត្រីផ្សោត IRRAWADDY DOLPHIN ដែលពូជផ្សោតប្រភេទ នេះ ច្រើនរស់នៅតំបន់សមុទ្រភាគអាស៊ីអាគ្នេយ៍ ហើយមានប្រវែង ១,៤០ម៉ែត្រ ទម្ងន់ប្រហែល ១២០ គីឡូក្រាម ចំពោះមូលហេតុដែលងាប់ សង្ស័យបណ្តាលមកពីជាប់មងអ្នកនេសាទ ព្រោះនៅត្រង់កន្ទុយ ឃើញមានជាប់មង ។ ចំពោះត្រីផ្សោតដែលងាប់នេះលោក នេន ចំរើន បានបញ្ជាឲ្យគេកប់ក្បែរនោះ ហើយ ព្រោះមានសភាពងាប់យូរថ្ងៃ ហើយបញ្ចេញក្លិនស្អុយពិបាកទ្រាំណាស់ ។
លោកនាយខណ្ឌរដ្ឋបាលជលផល កំពង់សោម បានបញ្ជាក់ផងដែរថា ចំពោះត្រីផ្សោតប្រភេទនេះ មិន ដែលធ្វើទុក្ខទោសដល់មនុស្សឡើយ ។ ហើយអ្នកទេសចរពេលខ្លះ អាចនឹងឃើញវាហែលប្រដេញលេង តាមទូកជាមិនខាន នៅពេលដែលជិះទូកទេសចរណ៍កំសាន្ត ទៅបណ្តាកោះនានា ក្នុងក្រុងព្រះ សីហនុ នោះ ៕
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)