ព័ត៌មានកីឡា៖ រឿងរ៉ាវផ្ទៃក្នុង ទាក់ទងនឹងប្រជាប្រិយភាពរបស់ តារា Real Madrid ត្រូវបានលាតត្រដាងយ៉ាង ទូលំទូលាយលើបណ្ដាញ អ៊ីនធើនែត ខណៈដែលមួយផ្នែកតូចនៃកីឡាករ ក្រុមនេះ ទទួលរងការមិនពេញចិត្ដជាខ្លាំង ពីក្រុមអ្នកគាំទ្រ បើទោះជាក្រុម ទើបតែយកឈ្នះការប្រកួត កាលពីថ្ងៃសៅរ៍ ។
Real Madrid ជួបរឿង ២ ស្របគ្នានៅថ្ងៃ ១៤ កុម្ភៈ ដោយរឿងទី ១ ក្រុមទទួលបានជោគជ័យលើ ដៃគូរប្រកួត ហើយរឿងទី ២ កីឡាកររបស់ក្រុមគឺ Gareth Bale បានត្រូវអ្នកគាំទ្រជាច្រើន ធ្វើការថ្ដោទោស រិះ គន់ យ៉ាងខ្លាំង បង្ហាញពីភាពមិនពេញចិត្ដ ដែលទ្រាំទុក អស់រយៈពេល ៧ ថ្ងៃមកហើយ ចាប់តាំងពីក្រុមត្រូវ ទទួលរងការវាយប្រហាពីក្រុម Atletico Madrid ដោយពិន្ទុ ៤ ទល់នឹង ០ ធ្វើឲ្យអ្នកគាំទ្រ មានការ អន់ចិត្ដជាខ្លាំង នឹងបាត់បង់ជំនឿជឿជាក់បន្ដទៀត ។
យោងតាមការរាយការណ៍របស់ គេហទំព័រព័ត៌មានអន្ដរជាតិ Mirror បានឲ្យដឹងថា មិនត្រឹមតែ Gareth Bale តែមួយនេាះទេ ដែលទទួល ការរិះគន់យ៉ាងដូច្នោះ បើសូម្បីតែកីឡាករដ៏ទៃ រួមមាន Iker Casillas និង Ronaldo ក៏ត្រូវរងការប៉ះទង្គិចនូវ ទិដ្ឋភាពបែបនេាះដែរ ដោយរឿងហេតុ របស់ Ronaldo ទាក់ទងនឹង ថ្ងៃនៃការរៀបចំ កម្មវិធី ខួបកំណើត ដែលថ្ងៃជាមួយគ្នា នឹង ការបរាជ័យរបស់ក្រុម ហើយទើបតែកន្លងផុត តែប៉ុន្មានម៉ោងក្រោយ ប៉ុណ្ណោះ ។
ឆ្លងកាត់តាមការមើលឃើញនូវភាព មិនពេញចិត្ដចំពោះ Gareth Bale ដូច្នោះ គេអាចយល់បានថា កីឡាករអាចនឹងមិនបន្ដការតស៊ូបានយូឡើយ សម្រាប់ Real Madrid ។ ហេតុដូច្នេះ ទើបមាន ការចោទសួរ នៅសំណួរ មួយលើកឡើងថា តើព្រោះតែរឿងនឹង អាចធ្វើឲ្យ Gareth Bale សម្រេចចិត្ដ ដើចេញពី Real Madrid មែនដែរ ទេ ?
ដោយ៖ អឿ អ៊ុយ
ប្រភព៖ Mirror