CamNews

ព័ត៌មានកីឡា៖ វេទិការមួយត្រូវបានបង្កើតឡើង ក្នុងគោលបំណងជជែកដេញដោល ជុំវិញម្ចាស់ដំណែង​ជើងខ្លាំងបាល់មាសប្រចាំនៅ Fifa ដែលក្នុងនោះត្រូវបានលើកឡើង​ក្នុងសមាសភាព​កីឡាករ​ ៣ រួបដែលត្រូវជាប្រធានបទ។ 

សមាសភាពកីឡាករ ៣ រួបដែលត្រូវបាន Fifa ប្រកាសថាជាប់ឈ្មោះជាបេក្ខជនជើងខ្លាំង​ក្នុងតារាង ដែល​មានដូចជា Cristiano Ronaldo, Lionel Messi និង Manuel Neue។  ពួកគេទាំង ៣ ត្រូវបានគេមើលឃើញ​ថា​មានសមត្ថភាពលេង​ល្អជាងគេ ក្នុងចំនោមកីឡាករ ២៣ រួបដែលធ្លាប់លេងប្រចាំក្រុមក៏មិន​អន់ដែរ។​

ខ្សែប្រយុទ្ធ Real Madrid កីឡាករ Cristiano Ronaldo ជោគជ័យជាម្ចាស់បាល់មាស កាលពីឆ្នាំ ២០១៣ ស្របពេលគ្រូបង្វឹកប្រចាំ Real Madrid លោក Carlo Ancelotti និង ថ្នាក់ដឹកនាំក្រុមជម្រើសជាតិ អាល្លឺម៉ង់​លោក Joachim Low  និង គ្រូបង្វឹក​ប្រចាំ Atletico Madrid លោក Diego Simeone ពួគេទាំងអស់ក៏ជាប់​ឈ្មោះជាគ្រូបង្វឹកដែលមានទេព្យកោសល្យល្អក្នុងការបណ្ដុះបណ្ដាលកីឡាករផងដែរ។ ចំពោះ​ការលេង​កន្លងមកក្នុង ក្រុម Real Madrid កីឡាករ​ Ronaldo ធ្លាប់បានជួយឲ្យក្រុម​លើកពាន Champion League មួយរដូវកាល ២០១៣-២០១៤ ដោយគាត់បានរកគ្រាប់បាល់សរុបដល់ទៅ ៥១ គ្រាប់ពេញមួយរដូវកាល។ ក្នុងកំឡុងពេលនៃការប្រកួតដណ្ដើមពានរង្វាន់ Champions League ពេលនោះ គាត់បាន​ផ្ដួល​ក្រុម​ Barcelona ដែលមានវត្ដមានកីឡាករ Lionel Messi និង​ Bayern Munich  ដោយមានកីឡាករ​ Franck Ribery​ ។​

ចំណែក កីឡាករ វ័យ ២៧ ឆ្នាំ Linel Messi វិញ ធ្លាប់ទទួលជោគជ័យជាប់ឈ្មោះជាម្ចាស់បាល់មាសក្នុងតារាង Ballon d'Or ចំនួន ៤ ដងកាលពីឆ្នាំ​ ២០០៩ ២០១០ ២០១១​ និង ២០១២ ។ មិនតែបណ្ណោះ ធ្លាប់​បំបែក កំណត់ត្រា ប្រកួតក្នុង La Liga ជាជើងឯកស៊ុតបាល់បញ្ចូលទីបានច្រើនជាងគេ កាលពីខែមុន ។

រីឯកីឡាករវ័យ ២៨ ឆ្នាំជាអ្នកចាំទី របស់ Bayern Munich ឈ្មោះ Manuel Neue វិញក៏ជាប់ជាកីឡាករ អ្នក​ចាំទីដ៏ល្បីមួយរួបកាលពីឆ្នាំ​ ២០០២ ។ ហើយកាលប្រកួត  World Cup ២០១៤ ក្នុងប្រទេសប្រេស៊ីល ​Manuel Neue បានជួយឲ្យក្រុមជម្រើសជាតិ អាល្លឺម៉ង់ដណ្ដើមពានពិភពលោក ផងដែរ ក្រោយមកទៀត​ក៏បានតស៊ូជាមួយ Bayern Munich ធ្វើឲ្យក្រុមអាចឈានដល់ការប្រកួតមិត្ដភាព Bundesliga ២០១៣ -​ ១៤ ចុងក្រោយ ។ ដូច្នេះសមត្ថភាពអ្នកទាំង ៣ ពិតជាសាកសមនិងកាន់ដំណែងក្នុងតារាងកីឡាករខ្លាំងនៃស័យបាល់ទាត់។

ដោយ៖ អឿ​ អ៊ុយ
ប្រភព៖ ប៊ីប៊ីស៊ី