ហ្ស៊ាមែន៖ ការស៊ើបអង្កេត ជាបន្ទាន់មួយបាន បង្ហាញថា អគ្គីភ័យឆាបឆេះ រថយន្តក្រុងដឹកអ្នក
ដំណើរមួយគ្រឿង ដែលបានឆក់យក អាយុជីវិតមនុស្ស ៤៧នាក់ និង របួស ៣៤នាក់ស្ថិតនៅ
ខេត្តហ៊្វូជាន ភាគខាងកើត ប្រទេសចិននោះ គឺជាករណីឧក្រិដ្ឋកម្មដ៏ធ្ងន់ធ្ងរបំផុត។ នេះបើតាម
ការអះអាងពីអាជ្ញាធរ ប្រចាំតំបន់ កើតហេតុ។
រថយន្តក្រុងប្រើប្រាស់ សម្រាប់ផ្ទេរអ្នកដំណើរមួយគ្រឿង បានឆាបឆេះនៅឯស្ថានីយរថយន្ត
ក្រុងមួយកន្លែង ស្ថិតនៅទីក្រុង ហ្ស៊ាមែន កាលពីវេលាម៉ោង ៦ និង ២០នាទីល្ងាចថ្ងៃសុក្រ។
ការស៊ើបអង្កេត របស់ប៉ូលិស តំណាក់កាលដំបូងបង្ហាញថា កន្លែងស្តុកសាំងរបស់រថយន្តមាន
សភាពធម្មតា និង មិនបានទទួលរងការ ប៉ះពាល់ នោះទេ ហើយការធ្វើឲ្យឆេះនោះប្រហែល
ជា គ្រឿងចំហេះផ្សេងទៀត ដែលត្រូវបានគេដាក់ បង្កប់ដោយ ប្រយ័ត្នប្រយ៉ែងបំផុត។
ទោះបីជាយ៉ាងណាក៏ដោយ អាជ្ញាធរចិនប្រចាំតំបន់កើតហេតុបានអះអាងថា នេះជាអំពើ
ឧក្រិដ្ឋកម្មដ៏ធ្ងន់ធ្ងរ បំផុតមួយ ដែលក្រុមស៊ើបអង្កេតកំពុងតែបន្តប្រតិបត្តិការរបស់ពួកគេដើម្បី
ស្វែងរកជនដៃដល់ ដែលនៅពី ក្រោយរឿងនេះ។ ដោយឡែកជនរងគ្រោះទាំងអស់ ទាំងធ្ងន់
និង ស្រាល ត្រូវបានគេបញ្ជូនទៅសង្គ្រោះ នៅមន្ទីរក្នុងតំបន់ហើយ ៕
ផ្តល់សិទ្ធិដោយ៖ ដើមអំពិល
