CamNews

ព័ត៌មានកីឡា៖ ជាការបង្ហាញឲ្យឃើញជាក់ស្ដែង ពីការប្រកួតគា្នរវាង​ ក្រុមខ្លាំងក្នុងទឹកដីអេស្ប៉ាញ Real Madrid ប៉ះជាមួយអ្នកលេងក្នុង ទឹកដីអាល្លឺម៉ង់ Schalke ចេញលទ្ធផល ក្រុមម្ចាស់ផ្ទះដេកស្អាត​ ត្រឹមត្រឹម ពិន្ទុ ៣ ទល់នឹង ៤ នៃការប្រកួត​ វគ្គរដូវកាល Champions League ។​

ក្រុមម្ចាស់ផ្ទះ Real Madrid បានបើកទ្វារទទួលស្វាគមន៍ យ៉ាងកក់ក្ដៅ និងរីករាយបំផុត ចំពោះការចូល​មកកាន់របស់ ក្រុម​ភ្ញៀវ Schalke ក្នុងជំនួបប្រកួតរដូវកាល Champions League ប៉ុន្ដែបែជាបញ្ចប់ទៅ​វិញដោយ​ទឹកមុខ ស្ងួតក្រៀមក្រំរកថ្លែងមិនត្រូវ ខណៈដែល លទ្ធផលបញ្ចប់ការប្រកួត បានបង្ហាញថាក្រុម​ត្រូវបរាជ័យ ត្រឹមពិន្ទុ ៣ ទល់នឹង ៤ ។ 

ស្ថានភាពនៃការលេងដេាយមិនអាចស្មានដឹង​ ខណៈដែល Real Madrid អាចរកពិន្ទុបាននាំមុខ ៣ គ្រាប់​​​មុន ត្រឹម ៥៣ នាទី ដោយកីឡាករ Ronaldo រកបាន ២ គ្រាប់ ក្នុងនាទីទី ២៥ នឹង ៤៥ ហើយ ១ គ្រាប់​ទៀត​ដោយ Benzema នៅនាទីទី ៥២ ចំណែក Schalk ខណៈពេលនោះ ទើបតែអាចរកបាន ២ គ្រាប់​ប៉ុណ្ណោះ ដោយកីឡាករ Fuchs នៅនាទីទី ២០ និង Huntelaar នៅនាទីទី ៤០។ ប៉ុន្ដែមិនស្មានថាគ្រាប់​ទី ៣ របស់Real Madrid គឺជាគ្រាប់ចុងក្រោយរបស់ក្រុមមិនអាចបន្ដដង្ហើមទៅទៀតបាន ដោយ​ Schalk បឹទជិត ហើយ​បន្ថែមការវាយលុក រហូត​សម្រេច​បាន ២ គ្រាប់ផ្ទួនៗទៀត ដោយកីឡាករ Sané នៅនាទីទី ៥៧ និង Huntelaar នៅនាទី ៨៧​ ជានាទីចុងក្រោយ គៀកបញ្ចប់នៃការប្រកួត ។ 

គួរបញ្ជាក់ផងដែរថា បរាជ័យរបស់ ក្រុមញគឺជារឿងមួយសោកស្ដាយណាស់ទៅហើយ សម្រាប់កីឡាករ​ ប៉ុន្ដែចំនុចមួយដែលត្រូវអបអរផងដែរនោះ គឺ ជោគជ័យរបស់ Ronaldo ដែលបានសម្រេច​លទ្ធផល បំបែកកំណត់ត្រា ស្វែងរកពិន្ទុ ខ្ពស់ជាងគេនៅក្នុងរដូវកាល Champions League ដែលមាន​ចំនួនសរុបដល់ទៅ ៧៦ គ្រាប់ ក្នុងចំនួនប្រកួត ១១៥ ដង ។ 

ដោយ៖ អឿ អ៊ុយ

ប្រភព៖ ប៊ីប៊ីស៊ី