បញ្ចុះទម្ងន់ដោយមិនប៉ះពាល់ ដល់សុខភាព
ដើម្បីសម្រកទម្ងន់គឺមានវិធីច្រើនយ៉ាង តែអ្វីដែលសំខាន់ អ្នកមិនត្រូវធ្វើការបង្អត់អាហារនោះ
ឡើយ ព្រោះវាអាចធ្វើឱ្យរាងកាយខ្វះជាតិបំប៉ន។ សូមស្វែងយល់ពីវិធីសាស្ដ្រខាងក្រោម។
ទទួលទានទឹកឱ្យបានច្រើន
ដើម្បីសម្រកទំងន់ឱ្យបានជោគជ័យ អ្នកចាំបាច់ត្រូវទទួលទានទឹកឱ្យបានច្រើនមិនថាទឹកតែ,
ទឹកផ្លែឈើ, ឬ កាហ្វេនោះទេ។ ប៉ុន្តែប្រសិនបើបានទឹកធម្មតា គឺជាការប្រសើរបំផុតព្រោះវា
ជួយធ្វើ ឱ្យអ្នកមានអារម្មណ៍ថាឆ្អែតជាងមុន ហើយវាល្អចំពោះប្រព័ន្ធបញ្ចេញចោលនិងធ្វើឱ្យ
ស្បែកស្រស់ថ្លា ភ្លឺរលោង។
ផ្លាស់ប្តូរអាហារទទួលទាន
អ្នកគួរ ធ្វើការផ្លាស់ប្តូរអាហារទទួលទាន ដោយកាត់បន្ថយការទទួលទានអាហារដែលមាន
ជាតិម្សៅនិងងាកមកទទួលទាន បន្លែ ឱ្យបានច្រើនជាងមុន។ម្យ៉ាងទៀតពពួកអាហារម្សៅ
ដែលអ្នកទទួលទាននោះ គួរធ្វើឡើងពីប្រភេទម្សៅដែលមិនខាត់ពណ៌ដូចអង្ករសំរូប ឬអង្ករ
អាវ័នជាដើម។
មិនត្រូវទទួលទានអាហារឆ្អិនស្រាប់
អ្នកគួរកាត់បន្ថយការទទួលទានអាហារប្រភេទនេះ ឱ្យបានច្រើនតាមដែលអាចធ្វើទៅបាន
ព្រោះវាមិនសូវផ្តល់ប្រយោជន៍ ដល់រាងកាយប៉ុន្មានទេ ហើយថែមទាំងមានកាឡូរីខ្ពស់ថែម
ទៀត។
ទទួលទានអាហារបួសអោយបានច្រើន
អ្នកគួរទទួលទានបន្លែ និងធញ្ញជាតិពពួកសណ្តែក ឱ្យបានច្រើនជំនួយការទទួលទានអាហារ
ពពួកម្សៅ ព្រោះអ្នកខ្លះ ជ្រើសការតមអាហារ តែទទួលទានអាហារបួសបែបម្សៅជាហេតុ
បណ្តាលឱ្យទម្ងន់មិនស្រកហើយ ផ្ទុយទៅវិញបែរជាកើនឡើងជាងមុនទៅវិញ។
មិនទទួលទានអាហារឆា បំពង ឬចៀន ដែលមានខ្លាញ់ច្រើន
ការចម្អិនអាហារដោយឆា ចៀន ឬ បំពងគឺជាវិធីចម្អិន អាហារដែលធ្វើឱ្យអ្នកឆាប់ធាត់បំផុត
ព្រោះវាត្រូវការប្រើជាតិប្រេងយ៉ាងច្រើន។ ដូច្នេះដើម្បីមិនឱ្យរាងកាយទទួលបានខ្លាញ់លើស
ចំណុះអ្នកមិនគួរចម្អិនអាហារដោយការឆាឬបំបងនោះឡើយ៕
ដោយ ៖ សូរីយ៉ា
ប្រភព ៖ LD
យល់ដឹង ដែលមើលច្រើន
