ភ្នំពេញ៖ រថយន្ត Range Rover មួយគ្រឿង បើកមិនប្រយ័ត្ន បានថយប៉ះរថយន្ត Land Rover មួយ គ្រឿងទៀត ដែលចតទុកស្ងៀម នៅលើផ្លូវប៉េតុង ស្ថិតក្នុងក្រុម២ ភូមិទួលគោក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ នៅវេលាម៉ោង១និង៣០នាទី ថ្ងៃទី១៦ ខែសីហា ឆ្នាំ២០១៤នេះ បណ្តាលឱ្យខូចខាតបន្តិចបន្តួច ប៉ុន្តែម្ចាស់រថយន្តមិនព្រមសម្របសម្រួលនោះទេ បែរជាទូរស័ព្ទ របស់មន្រ្តីធំ ជួយអន្តរគមន៍ទៅវិញ ។
ប្រភពព័ត៌មានពីសមត្ថកិច្ច បានឱ្យដឹងថា រថយន្តបង្ក ម៉ាក Range Rover ពណ៌ស ពាក់ស្លាកលេខ ភ្នំពេញ-2V-0333 ចំណែករថយន្តរងគ្រោះ ម៉ាក Land Rover ពណ៌ខ្មៅ គ្មានស្លាកលេខ ។
រហូតមក ដល់ម៉ោង២រសៀលនេះ ភាគីទាំងពីសម្របសម្រួលគ្នា មិនទាន់ត្រូវរ៉ូវនៅឡើយ ដោយសារតែ រថយន្ត Range Rover ពណ៌ស មិនព្រមផ្តល់សំណង ហើយថែមទាំងទារសំណង ពីរថយន្តLand Rover ពណ៌ខ្មៅ ដោយប្រកែកថា ខ្លួនឯងជាអ្នកបើកត្រូវទៅវិញ ហើយកោះហៅគ្នីគ្នា មកជួយអន្តរាគមន៍ ថែមទៀត ៕
