CamNews

ក្រុងមែនឆេស្ទើ៖ កីឡាករខ្សែប្រយុទ្ធជួរមុខ Wayne Rooney បាន​ចេញមុ​ខ​មក​សុំ​ទោស​ចំពោះ​មិត្ត​រួម​ក្រុមជា សាធារណៈពី កំហុសឆ្គងដែលបានធ្វើខុស ទៅលើកីឡាករក្រុម West Ham United, Steward​ Downing ដោយ​ត្រូវ បានពិន័យកាតក្រហម កាលពីរាត្រីសៅរ៍ ។

តារាឆ្នើមជនជាតិអង់គ្លេស វ័យ២៨ឆ្នាំរូបនេះបានថ្លែងប្រាប់គេហទំព័រ BBC ថា “ពិត​ណាស់​​វាជា​ការ​សម្រេច​ចិត្តដ៏ត្រឹម ត្រូវហើយរបស់លោកអាជ្ញាកណ្តាល Lee Mason ចំពោះ​កំហុស​ឆ្គង​របស់​ខ្ញុំ​ដែលបានធ្វើខុស ហើយខ្ញុំក៏គ្មានសេចក្តី អាក់អន់ស្រពន់ចិត្តអ្វីនោះដែរ” ។

យ៉ាងណាមិញសម្រាប់អ្នកចាត់ការទូទៅក្លឹប Man Utd លោក Louis van Gaal ក៏បាន​ទទួលយក​នូវ​ការ​ពិន័យ​កាត​ក្រ ហម Rooney នៅនាទី៧០នាទីនោះ ព្រោះលោកបានប្រាប់ថា នោះ​ជា​កំហុស​របស់ Rooney យ៉ាងពិត​ប្រាកដ និងមិន អាចលើកលែងបានទេ ហើយ​ក៏​គ្មានអ្វី​ត្រូវ​តិះតៀន​វាយ​បកវិញឡើយ ក្រោយ​បញ្ចប់​លទ្ធិ​ផល​ផ្លូវ​ការ Man Utd ឈ្នះ West Ham ២-១ នៅកីឡដ្ឋាន Old Trafford ។

ដូចគ្នានោះដែរ នេះជាលើកទី៦ដែលកីឡាករប្រធានក្រុមអង់គ្លេស Rooney ទទួល​ពិន័យ​កាត​ក្រហម​ក្នុង​ជីវិត​ជាកិឡា ករបាល់ទាត់អាជីព ហើយជាលើកទី៣ផងដែរនៅក្នុងក្លឹប Man Utd ដោយ​លើក​ទី១​ឆ្នាំ​២០០៥​ត្រូវបានពិ​ន័យ​កាតក្រ ហមពេលបិសាចក្រហមប្រកួតបានត្រឹមស្មើ ០-០ ទល់នឹង​ក្រុមមកពិអេស្ប៉ាញ Villareall ក្នុង Champions​ និងឆ្នាំ ២០០៩ ពេល Man Utd ប្រកួតចាញ់ Fulham ២-០ ក្នុង Premier League ហើយក្នុងក្លឹប Everton​ ពេលប្រកួតបាន ស្មើ ១-១ ទល់នឹងក្រុម Birmingham ។

កាតក្រហម២ផ្សេងទៀតពេល Rooney បានលេង​ក្នុងក្រុម​ជម្រើស​ជាតិតោ​ក្រដាស​អង់​គ្លេស​ក្នុង​ខណៈ​ដែល​ចាញ់​​ក្រុម ជម្រើសជាតិព័រទុយហ្គាល់ ១-៣ ដោយបាល់ប៉េណាល់ទីក្នុង World Cup 2006 នៅអាល្លឺម៉ង់ និង​ក្នុង​ឆ្នាំ២០១១ ពេល អង់គ្លេសប្រកួតបានស្មើ ២-២ ទល់នឹង​ក្រុមភ្ញៀវ​ម៉ុង​តេនីក្រូ​ក្នុងវគ្គ​ជម្រុះ​ពានរង្វាន់​ប្រចាំទ្វីប​អឺរ៉ុប UEFA Euro ៕

ផ្ដល់សិទ្ធិដោយ៖ ដើមម្ពិល