CamNews

កាលពីព្រឹកថ្ងៃទី ៤ ខែកញ្ញា កន្លងទៅនេះ ប្រជាពលរដ្ឋ ដែលឆ្លងកាត់តំបន់ Jing ប្រទេសចិន សុទ្ធ
តែបានជួបប្រទះនូវភាពភ្ញាក់ផ្អើលមួយ ពេលដែលបានឃើញ មាននារីវ័យក្មេងម្នាក់ អង្គុយនៅលើ
ដំបូងអាគារ នៃមន្ទីរពេទ្យ កែសម្ផស្សមួយ។

បើតាមសំដីរៀបរាប់ប្រាប់ពីប្រជាពលរដ្ឋ នៅម៉ោងប្រហែល ១០ ព្រឹក នារីម្នាក់នេះ បានធ្វើដំណើរ
មកដល់មន្ទីរពេទ្យ។ ក្រោយពីមានការប្រកែកសំដីគ្នាជាគ្រូពេទ្យ នាងចាប់ផ្តើមមានកំហឹង ហើយ
បានជំនះ ការឃាត់ឃាំង ពីក្រុមសន្តិសុខការពារ ដើរតម្រង់ទៅលើដំបូង អាគារមន្ទីរពេទ្យតែម្តង។

បន្ទាប់ពីទទួលបានដំណឹងនេះ ខាងប៉ូលិសក៏បានប្រញាប់ប្រញាល់មកដល់កន្លែងកើតហេតុ ហើយ
ធ្វើការចរចារ និយាយលួងលោម ដើម្បីរកវិធីចូលទៅក្បែរនាង។ មុនដំបូង នាងបានសំរេចចិត្តថា
នឹងលោតសម្លាប់ខ្លួនហើយ ប៉ុន្តែបន្ទាប់ពីបានស្តាប់ការស្រាយបញ្ជាក់ ពន្យល់រួចមក នាងក៏បោះ
បង់គំនិតនេះចោលវិញ។

អ្នកទទួលខុសត្រូវ របស់មន្ទីរពេទ្យកែសម្ផស្ស កន្លែងដែលនាងចង់កែសម្ផស្សនេះបានឲ្យដឹងថា
កាលពីពាក់កណ្តាលឆ្នាំមុន នាងបានមកកាន់មន្ទីរពេទ្យ និងធ្វើការវះកាត់ពង្រីកដើមទ្រូង។ ប៉ុន្តែ
ដំណើរការនៃការវះកាត់នេះ មិនទទួលបានជោគជ័យ។

អ្នកទទួលខុសត្រូវនោះ បានបន្តទៀតថា: “ មុននឹងធ្វើការវះកាត់កែសម្ផស្ស ពួកយើងបានប្រកាស
ប្រាប់ពី លទ្ធភាពហានិភ័យ នៃការវះកាត់នេះ ឲ្យដឹងមុនរួចហើយ។ ក្រោយពីបញ្ហានេះបានកើត
ឡើង ខាងយើងខ្ញុំ ក៏បានប្រគល់ប្រាក់ឲ្យវិញ គ្រប់ចំនួនផងដែរ ប៉ុន្តែនាងនៅតែមិនព្រម ដោយ
នាងនៅទាមទារលុយសំណងបន្ថែម លើជម្ងឺចិត្ត ដ៏ច្រើនហួសហេតុមួយ"។ ខាងមន្ទីរពេទ្យ មិន
យល់ព្រមនឹងការទាមទារនេះ ទើបធ្វើឲ្យទាំងសងខាង មានការឈ្លោះប្រកែកគ្នាឡើង ហើយនាង
ក៏រត់សំដៅទៅលើដំបូលអាគារ ចង់លោតសម្លាប់ខ្លួន ដូច្នេះទៅ៕

ព័ត៌មានប្លែកៗ គួរឲ្យចាប់អារម្មណ៍អាន មួយចំនួនទៀត៖

- កម្មវិធី Camera 360 បានធ្វើឲ្យ វៀតណាមមួយគ្រួសារ ខានដេកអស់មួយយប់

- ស្រីស្អាតម្នាក់ ធ្វើឲ្យដើមទ្រូង រីកធំដោយខ្លួនឯង តាមរយះការប្រើ វែកដួសបាយ

- កាសែតចិន ច្រឡំយករូបភាពក្នុងរឿងសិច មកចុះផ្សាយ ដោយគិតថាជាទិដ្ឋភាព នៃការប្រហារ
ជីវិតអ្នកទោស

-​ បញ្ឈប់ការប្រកួតភ្លាមៗ ដោយសារតែ បង្គោលក្រហម យំខ្លាំងពេក (មានវីដេអូ)

ព័ត៌មានប្លែកៗ មិនគួរឲ្យជឿ គួរឲ្យចាប់អារម្មណ៍ជាច្រើនទៀត សូមចុចត្រង់នេះ !!!

ដោយ៖ សិលា
ប្រភព៖ Soha