CamNews

បរទេស៖ សម្រាប់គំនិតចាប់ផ្ដើមដំណើរការបង្ហាញការផ្សាយនៅក្នុង កម្មវិធីទូរទស្សន៍ គឺមានតាំងពីឆ្នាំ១៩៨៤មកម្ល៉េះ ។ បច្ចុប្បន្ននេះ កម្មវិធីនៅក្នុងប៉ុស្តិ៍ទូរទស្សន៍កំពុងតែទទួល បានការពេញនិយមមើលយ៉ាងខ្លាំង ពីសំណាក់ប្រជាពលរដ្ឋទូទាំងពិភពលោក ។ ហេតុដូចនេះ ទើបគេសង្កេតឃើញថា មានពិធីការិនីទូរទស្សន៍ជាច្រើន បានទទួលជោគជ័យនៅក្នុងអាជីពរបស់ពួកគេ ។ ខាងក្រោមនេះ ជាពិធីការិនីទូរទស្សន៍ទាំង១០ ដែលមានប្រាក់ច្រើនជាងគេបំផុត ក្នុងពិភពលោកក្នុងឆ្នាំ២០១៥នេះ ។

១. អ្នកស្រី Judge Judy

ត្រូវបានគេស្គាល់ថា ជាពិធីការិនីក្នុងកម្មវិធីទូរទស្សន៍ របស់សហរដ្ឋអាម៉េរិក ដែលស្ថិតនៅលេខរៀងទី១ ក្នុងចំណោមពិធីការិនីទូរទស្សន៍ ដែលមានជាងគេបំផុតក្នុងពិភពលោក ជាមួយនឹងទ្រព្យសម្បត្តិសុទ្ធចំនួន ២០០ លានដុល្លារ ។

២. នាង Paris Hilton

ជាពិធីការិនីនៅក្នុងប៉ុស្តិ៍ទូរទស្សន៍ផ្ទាល់ខ្លួនមួយ និងក៏ជាតារាសម្ដែង តារាម៉ូដែល ព្រមទាំងជាតារាចម្រៀងជនជាតិអាម៉េរិកម្នាក់ ដែលមានទ្រព្យសម្បត្តិសុទ្ធចំនួន ១០០លានដុល្លារ ។

៣. នាង Tyra Banks

ជាពិធីការិនីនៅក្នុងប៉ុស្តិ៍ទូរទស្សន៍ផ្ទាល់ខ្លួនមួយ និងក៏ជាផលិតករ អ្នកនិពន្ធ តារាសម្តែង ព្រមទាំងជាអតីតតារាម៉ូដែល របស់សហរដ្ឋអាម៉េរិកផងដែរ ។ បច្ចុប្បន្ននេះនាង Tyra Banks មានទ្រព្យសម្បត្តិសុទ្ធចំនួន ៩០លានដុល្លារអាម៉េរិក ។

៤. នាង Kim Kardashian

ជាពិធីការិនីនៅក្នុងប៉ុស្តិ៍ទូរទស្សន៍មួយ ដែលមានប្រព័ន្ធផ្សព្វផ្សាយសង្គមផ្ទាល់ខ្លួន និងក៏ជាតារាម៉ូដែលរបស់អាម៉េរិកផងដែរ ។ បច្ចុប្បន្ននេះ នាងមានទ្រព្យសម្បត្តិសុទ្ធចំនួន ៨៥លានដុល្លារ ។

៥. នាង Lisa Vanderpump

ជាអ្នកជំនួញជនជាតិអង់គ្លេស អ្នកនិពន្ធ តារាសម្តែង និងក៏ជាពិធីការិនីនៅក្នុងប៉ុស្តិ៍ទូរទស្សន៍ផ្ទាល់ខ្លួនមួយ ដែលមានទ្រព្យសម្បត្តិសុទ្ធចំនួន ៦៥លានដុល្លារ ។

៦. នាង Bethenny Frankel

ជាពិធីការិនីនៅក្នុងប៉ុស្តិ៍ទូរទស្សន៍ផ្ទាល់ខ្លួនមួយ និងក៏ជាអ្នកជំនួញជនជាតិអាម៉េរិកម្នាក់ ដែលមានទ្រព្យសម្បត្តិសុទ្ធចំនួន ២៥ លានដុល្លារ ។

៧. នាង Kourtney Kardashian

ជាតារាម៉ូដែលជនជាតិអាម៉េរិក និងក៏ជាពិធីការិនីនៅក្នុងប៉ុស្តិ៍ទូរទស្សន៍ផ្ទាល់ខ្លួនមួយ ដែលមានទ្រព្យសម្បត្តិសុទ្ធចំនួន ២៥ លានដុល្លារ ។

៨. នាង Khloe Kardashian

មានទ្រព្យសម្បត្តិសុទ្ធចំនួន ២០លានដុល្លារ បានធ្វើឲ្យនាង Khloe Kardashian ស្ថិតនៅលេខរៀងទី៨ ក្នុងចំណោមពិធីការិនី ដែលមានជាងគេបំផុតក្នុងពិភពលោក ។

៩. នាង NeNe Leakes

ជាតារាសម្ដែង អ្នកនិពន្ធ ផលិតករ អ្នកច្នៃម៉ូដ និងជាពិធីការិនីនៅក្នុងប៉ុស្តិ៍ទូរទស្សន៍ផ្ទាល់ខ្លួនមួយ របស់សហរដ្ឋអាម៉េរិក ដែលមានទ្រព្យសម្បត្តិសុទ្ធចំនួន ១២លានដុល្លារ ។

១០. នាង Nicole Polizzi

ត្រូវបានគេស្គាល់ថា ជាពិធីការិនីមួយរូប នៅក្នុងប្រទេសឈីលី ដែលមានប៉ុស្តិ៍ទូរទស្សន៍ផ្ទាល់ខ្លួន និងមានទ្រព្យសម្បត្តិសុទ្ធចំនួន ៥ លានដុល្លារ ៕

ផ្តល់សិទ្ធដោយ ៖ ដើមអម្ពិល