CamNews

ព័ត៌មានអន្តរជាតិ ៖ ពលរដ្ឋកូរ៉េខាងត្បូង ២ នាក់ បានក្លាយជាជនរងគ្រោះដំបូងគេ ស្លាប់បាត់បង់ជី វិតដោយសារតែជម្ងឺផ្លូវដង្ហើមពី មជ្ឈឹមបូព៌ា [ Middle East Respiratory Syndrome (Mers) ] នេះបើ យោងតាមការដកស្រង់ សម្រង់អត្ថបទផ្សាយ ពីគេហទំព័រសារព័ត៌មានបរទេស ប៊ីប៊ីស៊ី ។

ជនរងគ្រោះស្លាប់ ដំបូង   គេមានវ័យ ៥៨ ឆ្នាំ ភេទស្រី ឆ្លងជម្ងឺនេះដោយផ្ទាល់ពី មជ្ឈឹមបូព៌ា អំឡុង ពេលដំណើរកំសាន្តនៅទីនោះ ។ ខណៈជនរងគ្រោះស្លាប់ទី ២ គឺជាលោកតា មានវ័យ ៧១ ឆ្នាំ​។

គួរបញ្ជាក់ថា ក្រសួងសុខាភិបាលកូរ៉េ  ខាងត្បូង បាន​អោយដឹងថា មនុស្សរហូតដល់ជាង៦៨០នាក់ ត្រូវបានបំបែក និងដាក់ឲ្យឆ្ងាយពីគេឯង បន្ទាប់ ពី មានទំនាក់ទំនង  ជាមួយ   អ្នកជំងឺផ្លូវដកដង្ហើម (MERS) ដែលជាជំងឺមួយប្រភេទ បានសម្លាប់មនុស្ស  ជា ច្រើនរយនាក់ នៅប្រទេសមជ្ឈឹមបូព៌ា នា ពេលកន្លងទៅ នេះយោងតាមព័ត៌មាន BBC ចេញផ្សាយនៅយ  ប់ថ្ងៃ ទី០១ ខែមិថុនានេះ។ MERS ជាមេរោគផ្លូវដង្ហើម ដែលធ្លាប់កើតឡើងនៅប្រទេសមជ្ឈឹមបូព៌ា។

អាជ្ញាធរកូរ៉េខាងត្បូង បានប្រកាសថា មានមនុស្សចំនួនបី  នាក់  បន្ថែមទៀត ដែលបានឆ្លង​មេរោគ MERS នាំឲ្យចំនួនអ្នកឆ្លងសរុបកើនឡើងដល់​១៨នាក់ ចាប់តាំងពីមានករណី​ឆ្លងដំបូង កាលពីថ្ងៃទី២០ ខែឧសភា ឆ្នាំ២០១៥កន្លងទៅនេះ។

មន្ត្រីក្រសួងសុខាភិបាល កំពុងពិចារណា​ពី​ការដាក់ចេញវិធានការណ៍ហាមឃាត់ជាបណ្តោះអាសន្ន ចំពោះ​អ្នក​ឆ្លងមេរោគនេះ មិនឲ្យចាកចេញទៅក្រៅប្រទេស បុរស   ជនជាតិកូរ៉េម្នាក់ដែល ប្រហែល ជាឆ្លងមេរោគនេះ បាន​ចាកចេញទៅកាន់ប្រទេស ចិនកាលពីសប្តាហ៍មុន  បច្ចុប្បន្នត្រូវបានដាក់ឲ្យ នៅដាច់ ដោយឡែកក្នុង មន្ទីរពេទ្យនៅប្រទេសចិន។  បើទោះ បី  ជាមានការធានាអះអាងថា រដ្ឋាភិ បាល ​អាច គ្រប់គ្រងទៅលើករណី​នេះក៏ដោយក្តី តែ   ​នៅតែមានការព្រួយបារម្ភ​ថា មេរោគនេះអាច នឹងមានការរីករាល ដាលជាបន្ត គួររំឮកថា  ប្រទេសកូរ៉េខាងត្បូងជាប្រទេសទីមួយនៅអាស៊ី បន្ទាប់ ពី ប្រទេសនៅមជ្ឈឹមបូព៌ា ដែល មាន ​ចំនួនអ្នក​ឆ្លងមេរោគមានប្រភពពីសត្វអូដ្ឋនេះខ្ពស់ជាងគេ៕

ប្រែសម្រួល ៖​ កុសល

ប្រភព ៖ ប៊ីប៊ីស៊ី និង ស៊ីអិនអិន