ព័ត៌មានកីឡា៖ ខ្សែប្រយុទ្ធដ៏ល្បីឈ្មោះរបស់ Real Madrid ដែលទើបតែទទួលបានពានរង្វាន់ កាលពីខែមករាមុននេះ ជួបប្រទះរឿងដែលក្រពុលមុខជាខ្លាំង ក្រោយពីកីឡាករបានជួបប្រទះ រឿងហេតុដែលមិននឹកស្មានដល់ ដោយក្រុមរបស់ខ្លួន ត្រូវ Atletico ស៊ីផុយ ៤ គ្រាប់ ចំណែក Real Madrid រក ១ គ្រាប់រាប់គ្មាន ។
Cristiano Ronaldo សែនមួម៉ៅក្ដៅក្រហាយជាខ្លាំង ដោយ ក្រុមរបស់ខ្លួនត្រូវ Atletico បិតពិន្ទុជិតឈឹង រកមួយគ្រាប់រាប់គ្មាន ហើយចំពេលមានអ្នកការសែតគួរឲ្យស្អប់ម្នាក់ទៀត ចូលមកសួរសំណួរខុសសាច់រឿង ដែលធ្វើឲ្យកីឡាករកាន់តែមានកំហឹងខ្លាំងឡើង ហើយគិតថា វាគឺមិនមែនជាសំណួរដែល គួឲ្យចង់ឆ្លើយទៀតផង ។
សំណួរដ៏គួរឲ្យក្ដៅក្រហាយរបស់អ្នកការសែតដែលបាន ចោទសួរទៅកាន់ Roanldo គឺថា តើសញ្ញាដែលកីឡាករបានប្រើកាលពីក្រុម Real Madrid បានផ្ដួល Cordoba ចុងខែមុន មានន័យយ៉ាងដូចម្ដេចដែលទៅ តើលោកអាចផ្ដល់ការអធិប្បាយខ្លះបានដែរ ឬទេ?
សំណួរនេះ កីឡាករមិនបានឆ្លើយតប ទៅអ្នកការសែតវិញឡើយ ថែមទាំង ប្រើពាក្យសម្ដីបន្ទោសបន្សោកថែមទៀតផងថា តើអ្នកអ្នកចង់ឲ្យខ្ញុំនិយាយរឿងថ្ងៃនេះ ឬ ថ្ងៃមុន ? ហើយមួយណាឲ្យប្រាកដដែលចង់ឲ្យគាត់និយាយ ? ប្រសិនបើអ្នកជាអ្នកការសែតដែលឆ្លាត អ្នកមិនសួរគាត់ពីរឿងដែលកន្លងហួសនោះទេ គឺអ្នកគួរតែយកព័រមានថ្ងៃនេះ មិនមែនថ្ងៃមុនឡើយ ។ ដូច្នេះឲ្យគាត់សុំទោសផង ចុះអ្នកមិនមែនជា មនុស្សឆ្លាតនោះទេ ។
ដោយ៖ អឿ អ៊ុយ
ប្រភព៖ app.onefootball