ព័ត៌មានកីឡា៖ មុកលំពែងដ៏មុតស្រួចរបស់ Barcelona បានក្លាយទៅជា តារាកំពូលដ៏ល្បីបំផុត ដែលអាចរកគ្រាប់បាល់បានច្រើនជាងគេក្នុង ការប្រកួតរដូវកាល Cheampions Leagure ក្រោយពីក្រុមបំបាក់ម្ចាស់ផ្ទះ Apoel Nic ត្រឹមពិន្ទុ ៤ ទល់នឹងសូន្យ។
ជំនួបគ្នាកាលពីព្រឹកមិញរវាង ក្រុមម្ចាស់ផ្ទះ Apoel Nic ប៉ះជាមួយភ្ញៀវពិសេស Barcelona ធ្វើឲ្យកក្រើក កំណត់ត្រាប្រកួតក្នុងរដូវកាល Champions League ដោយកីឡាករ Lionel Messi ប្រើសមត្ថភាពរបស់ខ្លួនបង្កើតពិន្ទុ ៣ គ្រាប់ផ្ទួនៗគ្នា បន្ទាប់ពី កីឡាករ Suárez នៅនាទីទី ២៧ ។
ជ័យជំនះលើកនេះបានធ្វើឲ្យ Lionel Messi ទទួលបានការគាំទ្រកាន់តែច្រើនឡើងៗ ជាពិសេស ជាប់ឈ្មោះជាកីឡាករបាល់ទាត់កំពូលក្នុងការប្រកួត Champions League ។ Lionel Messi ធ្លាប់បង្ហាញខ្លួនក្នុងការប្រកួត Champions League ៩១ ដង អាចរកបានពិន្ទុហូតដល់ទៅ ៧៤ គ្រាប់។ ចំណែក តារាល្បីរបស់ Real Madrid គឺកីឡាករ Cristiano Ronaldo ទើបតែរកបាន ៧០ គ្រាប់ទេ ក្នុងការប្រកួត Chempions League ។
ដោយ៖ អឿ អ៊ុយ
ប្រភព៖ ប៊ីប៊ិស៊ី