CamNews

ព័ត៌មានកីឡា៖ យោងតាមតាមប្រភពគេហទំព័រព័ត៌មានបានបង្ហាញឲ្យដឹងថា Man United បានត្រៀមរៀបចំ​ចាយលុយដល់ទៅ ១០០ លានផោនលើកីឡាករស្លាបឆ្វេងរបស់ Real Madrid ។ 

ស្ងាត់ៗដំណឹងមួយស្រាប់តែលេចខ្លួនឡើង លើបណ្ដាញទំនាក់ទំនងសង្គមយ៉ាងក្ដៅគគុក ជាមួយនឹង​ការចាយលុយដែលមិននឹកស្មានដល់របស់ Man United ​លើកីឡាករស្លាបឆ្វេងរបស់ Real Madrid ដែល​មានឈ្មោះថា Gareth Bale នៅរដូវកាលថ្មីខាងមុខនេះ ។ 

ជារឿងមួយស្ទើតែមិនគួរឲ្យជឿឡើយ ដែលកីឡាករវ័យ ២៥ រួបនេះ អាចទាក់ទាញអារម្មណ៍ Man United ឲ្យហ៊ានចាយលុយច្រើនដូច្នោះរហូតដល់ទៅ ១០០ លានផោន ដោយពេលកន្លងមក ខ្លួនមានប្រវត្ដិប្ដូរចេញពី ក្រុម Tottenham កាលពីឆ្នាំ​ ២០១៣ ត្រឹមតម្លៃខ្លួនតែ ៨៥ លានផោនតែប៉ុណ្ណោះ ។ 

ការចាប់ផ្ដើមរដូវកាលដំបូងបង្អស់ក្នុងទឹកដី អេស្ប៉ាញ Gareth Bale ធ្លាប់បានសម្រេចជោគជ័យដ៏​ធំបំផុត ដោយអាចរកបានគ្រាប់ដល់ ១៥ គ្រាប់ ក្នុងពេលប្រកួត La Liga ទាំង ២៧ ដង និង ក្នុងមិត្ដិភាព Champion League ក៏បាន​ ១២ គ្រាប់ផងដែរ។ ហើយមិនត្រឹមតែប៉ុណ្ណោះនៅមានការលេងបានល្អ​ច្រើនទៀតដែល គាត់ធ្លាប់ឆ្លងកាត់។ ដូច្នេះអាចនិយាយបានថា តម្លៃខ្លួនដែលអាចអូសទាញចេញ​ពីក្រុម Real Madrid ក៏មិនអន់ដែរ​។ 

បន្ថែមពីលើនេះទៅទៀត យោងតាមរបាយការណ៍ជាច្រើន បានរាយការណ៍ថា Man United ពិតជាញ័រអស់រាងកាយ​​​​ចង់បានកីឡាករវ័យ ២៥ ឆ្នាំរួបនេះណាស់ ហើយ Real Madrid ក៏សប្បាយចិត្ដនិងបើកទ្វារទទួលគ្រប់ពេលវេលា បើ​ Man United ពិតជាហ៊ានក្នុងតម្លៃនោះពិតប្រាកដមែន ។ ប៉ុន្ដែវានៅតែ​ស្ថិតក្នុងមន្ទិលសង្ស័យដដែល ថាតើ Manchester United ពិតជាមានបំណងហ៊ានចំណាយលុយ​ដ៏ច្រើន​លើកីឡាករម្នាក់នោះមែនដែរ ឬអត់ ។ សរុបសេចក្ដីមក គ្រប់យ៉ាងនៅតែជាពាក្យចរចាមរាម​ ដែល Man United ពិតជាហ៊ានចំណាយលុយដ៏ច្រើននោះ។ 

ដោយ៖ អឿ អ៊ុយ
ប្រភព៖ squawka