CamNews

ស្វែងរកកំរិតខ្ពស់
ព័ត៌មានអន្តរជាតិ 

យន្ដហោះដឹកប្រេងឥន្ធនៈ ចុះចតដោយពោះ ព្រោះប្រព័ន្ធកង់មានបញ្ហា(វីដេអូ)

យន្ដហោះឥណ្ឌូនេស៊ីមួយគ្រឿងដែលផ្ទុកពេញដោយប្រេងឥន្ធនៈ ត្រូវបង្ខំចុះចតដោយពោះ និងអូសទៅមុខយ៉ាងវែងអន្លាយដោយសារប្រព័ន្ធកង់ក្រោយជួបបញ្ហា។

យន្តហោះដឹកទំនិញ Boeing 737 របស់ក្រុមហ៊ុន Trigana Air ជួបនឹងបញ្ហានៅវេលាម៉ោងប្រហែល ៧និង៤០នាទីព្រឹកម្សិលមិញ ពេលកំពុងត្រៀមចុះចតនៅលើព្រលានយន្ដហោះ Wamena ខែត្រ Papua ប្រទេសឥណ្ឌូនេស៊ី។ យោងតាម Jakarta Globe ឱ្យដឹងថា ប្រព័ន្ធកងក្រោយត្រូវបានគេជឿថា បានបាក់ បណ្ដាលឱ្យយន្តហោះត្រូវចុះចតដោយពោះ និងអូសទៅមុខយ៉ាងវែង។ យន្តហោះនេះ មានផ្ទុកពេញដោយប្រេងឥន្ធនៈ។

គ្រោះថ្នាក់យន្ដហោះនេះ មិនបានបង្កឱ្យមានមនុស្សស្លាប់នោះទេ។ រថយន្ដពន្លត់អគ្គីភ័យត្រូវបានបញ្ជូនទៅដល់កន្លែងកើតហេតុ ត្រៀមទប់ទល់នឹងការផ្ទុះឆេះដែលអាចនឹងកើតឡើង។ សមត្ថកិច្ចបានបិទទ្វារព្រលានយន្ដហោះជាបណ្ដោះអាសន្ន ដើម្បីដោះស្រាយបញ្ហា។

Ahmad Bambang អគ្គនាយកផ្នែកទីផ្សាររបស់ក្រុមហ៊ុនថាមពលជាតិឥណ្ឌូនេស៊ី Pertamina ឱ្យដឹងថា យន្ដហោះខាងលើ តែងតែបញ្ជូនប្រេងឥន្ធនៈមកកាន់ Jayapura និងតំបន់ Wamena។ លោក Ahmad Bambang បានសុំទោសចំពោះការផ្អាកបណ្ដោះអាសន្ននូវការផ្គត់ផ្គង់ប្រេងឥន្ធនៈ។

ប្រែសម្រួល ៖ តារា
ប្រភព ៖ airlive


Tags: យន្ដហោះ,  គ្រោះថ្នាក់,  Boeing 737,  ឥណ្ឌូនេស៊ី,  Trigana Air

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......