CamNews

ព័ត៌មានកីឡា៖ រឿងហេតុស្ទើតែមិនគួរឲ្យកើតឡើង ចំពោះកីឡាករជម្រើសជាតិ Uruguay ឈ្មោះថា ​Edinson Cavani ត្រូវអាជ្ញាកណ្ដាល ពិន័យកាតក្រហម បញ្ឈប់ការប្រកួតនៅនាទីទី ៦២ ដោយកីឡាករ​បានចាញ់ឧប្បាយកលរបស់កីឡាករខ្សែការពារជម្រើសជាតិ Chile ឈ្មោះថា Gonzalo Jara ធ្វើខ្លួនជាដួលចុះទៅលើស្មៅ​ក្នុងទម្រង់ត្រូវគេវៃ។ 

មុនហេតុការណ៍នេះបានកើតឡើង ខ្សែការពារ​ជម្រើសជាតិ Chile គឺកីឡាករ Gonzalo Jara បានដើរ​មក​ក្បែ​​កីឡាករខ្សែប្រយុទ្ធ ជម្រើសជាតិ Uruguay ឈ្មោះថា ​Edinson Cavani ហើយក៏ឆ្លៀតឱកាស យកដៃ​​ស្ទៀប ហើយថែមទាំងខ្វេះគូទកីឡាករខ្សែប្រយុទ្ធរូបនោះ ខណៈកីឡាកំពុងលើកដៃឡើង ហើយ​ក៏ទំលាក់​ដៃចុះ ក៏ស្រាប់តែ Gonzalo Jara ផ្ដួលខ្លួនទៅក្រោម ក្នុងទម្រង់ត្រូវបានគេវាយចំមុខរបស់ខ្លួន។ ស្ថិតក្នុង​​ហេតុការណ៍​កើត​ឡើង​ពេលនេាះ អាជ្ញាកណ្ដាលមិនបានចាប់អារម្មណ៍ងាកមើលនោះទេ ប៉ុន្ដែស្រាប់តែពេល Gonzalo Jara ដួលចុះ ក៏ងាកមកឃើញតែម្ដង ហើយក៏យល់ថា ​Edinson Cavani វាយ Gonzalo Jara ឲ្យដួលលើ​ស្មៅ។ ឃើញហេតុការណ៍ដូចនេះ អាជ្ញាកណ្ដាលក៏សម្រេចចិត្ដពិន័យ​កាតក្រហមបញ្ឈប់ កីឡាករ​ខ្សែប្រយុទ្ធនេះតែម្ដងទៅ ។ 

ក្រោយពីររបេះខ្សែប្រយុទ្ធម្នាក់ទៅ ក្រុមជម្រើសជាតិ​ Uruguay ត្រូវបានរងការវាយប្រហាយ៉ាងដំណំ នៅនា​ទីទី ៨១ ដោយកីឡាករ Mauricio Isla រកគ្រាប់បាល់បាន ១ គ្រាប់ ជួនក្រុមជម្រើសជាតិ​ Chile រហូតចប់​ការប្រកួត ១-០ ។

យោងតាមគេហទំព័រ theguardian​ បានឲ្យដឹថា Uruguay ត្រូវរបូតបាត់កីឡាកររហូតដល់ទៅ ២ រូបក្នុងព្រឹត្ដិការណ៍ Copa America នោះ គឺខ្សែប្រយុទ្ធឈ្មោះ ​Edinson Cavani និង ខ្សែការពារ Jorge Fucile ។

គូសបញ្ជាក់ផងដែរថា ហេតុការណ៍ចុងក្រោយដែលបានកើតឡើងនៅពេលនេាះ គឺជាកំហុសទី ២ របស់ Edinson Cavani ដែលមុនដំបូងបំផុតនៅនាទីទី ៣២ ត្រូវអាជ្ញាកកណ្ដាលពិន័យកាតលឿង​ម្ដងរួចទៅហើយ​។​ 

ដោយ៖ អឿ អ៊ុយ

ប្រភព៖ theguardian