CamNews

ព័ត៌មានកីឡា៖ មានដំណឹងមិនល្អជាច្រើន បានកើតឡើងចំពោះកីឡាករ Ronaldo មុនពេល​ព្រឹត្ដិការណ៍​ Clásico​ ចូលមកដល់​នៅថ្ងៃសៅរ៍សប្ដាហ៍នេះ នឹងប៉ះជាមួយ​​ក្លឹបជើងខ្លាំងដូចគ្នា គឺ Barcelona ។ ចាប់​តាំង​ពេលដែល​គាត់ផ្ទេរចូលមក​កាន់​ Real Madrid ក្នុងឆ្នាំ ២០១៣ មក Ronaldo បានស្វែងរកពិន្ទុជូនក្រុមដល់ទៅ ២៣៣ គ្រាប់​ក្នុងឱកាសប្រកួត ២២១ ដង នេះអាចនិយាយថា គឺជាភាពអស្ចារ្យរបស់កីឡាករផង​ដែរ ។ ប៉ុន្ដែទោះជាយ៉ាងណា ការលេងរបស់គាត់បានធ្លាក់ចុះហើយ ពេល​នេះ​ឱកាសស្វែងរកគ្រាប់​បាល់​គឺបានត្រឹមតែ ១២ គ្រាប់ក្នុងព្រឹត្ដិការណ៍ប្រកួត ១៨ដង ទាំងជម្រើស​ជាតិ​នឹង ក្លឹប Real Madrid ក្នុងរដូវកាល​ថ្មី។ មួយការប្រកួតចុងក្រោយ ក្នុងព្រឹត្ដិការណ៍ Champions League ប៉ះ​ជាមួយ Paris ​Saint-Germain ​គាត់​បានបរាជ័យនៃការស្វែងរកគ្រាប់បាល់ ជូនក្រុម ។ 

Ronaldo ក៏បានកំពុងតែប្រឈមមុខជួបនឹងបញ្ហាជាមួយនឹងក្លឹបផងដែរ ដោយគ្រូបង្វឹកថ្មីគឺលោក Rafa Beníte បានផ្លាស់ប្ដូរទម្រង់ទីតាំងលេងរបស់គាត់ មកដាក់ Gareth Bale វិញម្ដង ។ ជំនួសមកវិញនៃការ​ផ្លាស់ប្ដូរនេះ Ronaldo ត្រូវប្ដូរមកលេងនៅលេខរៀងទី ៩វិញម្ដងក្នុងទម្រង់លេង ។ គាត់ក៏បានដឹងដែរថា មុខតំណែងរបស់គាត់ គឺមានមនុស្សមានសមត្ថភាព នឹងសាកសមបំផុត ។ 

ចំណែកមុខតំណែងទីផ្សារផ្ទេរចេញ កីឡាករក៏ត្រូវបានមានការទាក់ទងខ្លាំង ពីអតីតក្លឹប Man United នឹង PSG ដើម្បីផ្ទេរចេញសម្រាប់រដូវកាលបន្ទាប់ដោយរង់ចាំតែការសម្រេចចិត្ដតែប៉ុណ្ណោះ។ កន្លងមកកីឡាករ​​បាននិយាយជាមួយនឹងថ្នាក់ដឹកនាំក្លឹប PSG ដោយផ្ទាល់​ក្រោយពីមានការ ថតបាន ដោយកីឡាករខ្សឹបប្រាប់ដោយផ្ទាល់ថា កីឡាករចង់ចូលលេងជាមួយ ក្លឹបរបស់លោក Laurent Blanc ខ្លាំងណាស់ ហេតុ​ការណ៍​បានកើតឡើងកាលពីដើមខែវិច្ឆិកាក្នុងព្រឹត្ដិការណ៍ប្រកួតចុងក្រោយ ដោយ Real Madrid យកឈ្នះ PSG 1-0  (I would love to work with you) ។ នោះបើយោងតាម អ្នករាយការណ៍របស់ L’Équipe ។

ប៉ុន្ដែ បើទោះជាមានសំណួរនេះលើកឡើងក៏ដោយ ក៏នៅមានមតិមួយចំនួនគិតថា Real Madrid នឹងមិន​លក់ Ronaldo ជាដាច់ខាត បើសូម្បីតែគិត ក៏មិនធ្លាប់នឹកឃើញផង។ កន្លងមក Florentino Pérez ដែលជា​ប្រធានដឹកនាំធំរបស់ក្លឹប បានប្រឹងប្រែងដើររកទិញកីឡាករល្បីៗ ដាក់ក្រុមរហូតអាចរកបាន Ronaldo គឺមិនមែនជារឿងងាយស្រួលនោះទេ។ កីឡាករខ្លាំង ចំពោះគាត់គឺប្រៀបដូចជាគ្រាប់ពេជ្យ ដ៏ចែងចាំង​ដែល​​គាត់ស្រលាញ់ ម្យ៉ាងវិញទៀត Ronaldo គឺជាកីឡាករបាល់មាសក្នុងដួងចិត្ដគាត់ ហើយជាកីឡាករ​ឆ្នើមបំផុតលើលោក បើសូម្បីតែ Messi ក៏មិនអាចយកមកប្រៀបផ្ទឹម។ នេះបើតាមសម្ដីរបស់លោក Michael Robinson ដែលជាពិធីករទូរទស្សកីឡាជាតិ ប្រទេសអេស្ប៉ាញ។ 

ដោយ៖ អឿ អ៊ុយ

ប្រភព៖ rte.ie