អតីតរាជនីសម្រស់ រងគ្រោះព្រោះវះយកលលាដ៍ ដាក់ក្នុងពោះ
ក្រុងញូវយ៉ក: លោក Hilton ជាប្តីរបស់រាជិនីសម្រស់ប្រចាំកម្មវិធី Idaho បានរកឃើញឧបទ្ទវហេតុ
ដ៏គួរឲ្យរន្ធត់ព្រឺព្រួចកើតឡើងលើប្រពន្ធលោក គឺនាង Jamie Hilton នាពេលរអិលដួលផ្ងារក្រោយ
ក្បាលបោកនឹងផ្ទាំងថ្មនៃច្រាំងទន្លេមួយ។ ទិដ្ឋភាពនោះបានធ្វើឲ្យរូបលោកជាស្វាមីភ័យតក់ស្លុតញ័រ
អស់ប្រាណ។
លោក Hilton និយាយថា៖ « ខ្ញុំបានស្រែកហៅឈ្មោះនាងម្តងហើយម្តងទៀត យ៉ាងញ័រមាត់តែម្ដង
ហើយខ្ញុំក៏ស្ទុះលោតទៅត្រកងនាងភ្លាម»។គូស្នេហ៍នេះកំពុងតែនាំគ្នាស្ទូចត្រីលេងកម្សាន្តនៅតំបន់
ព្រំដែនរដ្ឋអាយដាហូ និងរដ្ឋអ័ររីហ្គេន សហរដ្ឋអាមេរិក ដែលស្ថិតនៅឆ្ងាយពីផ្លូវគោក ជាហេតុពិ
បាកនឹងរកអ្នកជួយសង្គ្រោះ។ ទីបំផុតលោកក៏រកបានទូកមួយដឹកភរិយាមុននឹងបន្តជិះឧទ្ធម្ភាគចក្រ
ទៅកាន់មន្ទីរពេទ្យ "សែនអាល់ផូណុស" ក្នុងទីក្រុង "ប័រស៍" ដែលចំណាយពេលដល់ទៅបីម៉ោង
ឯណោះទើបបានមកដល់កន្លែងព្យាបាល។
គួររំឮកផងដែរថា ពេលមកដល់មន្ទីរពេទ្យ ក្រុមវេជ្ជបណ្ឌិតបានប្រាប់លោក Hilton ថាស្ថានភាពជំងឺ
របស់ប្រពន្ធលោកមានសង្ឃឹមរស់តែ ៥០ ភាគរយប៉ុណ្ណោះ ។ ជាពិសេស ខួរក្បាលរងការប៉ះទង្គិច
ធ្ងន់ធ្ងរដែលវាអាចរីកមាឌ។ ដូច្នេះ លោកចាំបាច់ត្រូវកាត់យកឆ្អឹងលលាដ៍ក្បាលនាងមួយផ្នែកចេញ
ក្រុមវេជ្ជបណ្ឌិត បានសម្រេចយកបំណែកឆ្អឹងលលាដ៍ក្បាលនោះ យកទៅរក្សាទុកនៅក្នុងពោះ
របស់នាងអស់រយៈពេល៤២ ថ្ងៃ ដើម្បីឲ្យសំណុំខួរក្បាលសះស្បើយឡើងវិញទើបដកយកបំណែក
ឆ្អឹងលលាដ៍ក្បាលពីក្នុងពោះមកភ្ជាប់នឹងគ្រោងឆ្អឹង ក្បាលទាំងមូល។
លើសពីនេះទៅទៀត របាយការណ៍ដដែល បានបន្ថែមអោយដឹងផងដែរថា គ្រោះថ្នាក់កើតឡើង
នោះនៅក្នុងខែមិថុនា ។ បច្ចុប្បន្នអតីតរាជិនីសម្រស់រូបនេះ ស្ទើរតែមិនអាចចងចាំហេតុការណ៍
ដែលសឹងតែឆក់យកជីវិតនាង ។ បវរកញ្ញាប្រចាំរដ្ឋ អាយដាហូឆ្នាំ ២០០៩ រូបនេះបានប្រាប់ថា ៖
«ពេលខ្ញុំដឹងខ្លួនឡើង ស្រាប់តែឃើញមានសមាជិកក្រុមគ្រួសារ និងប្តីនៅក្នុងបន្ទប់តែម្តង។ ពួកគេរំ
ភើបខ្លាំងណាស់ដែលឃើញខ្ញុំបើកភ្នែកដឹងខ្លួនឡើងវិញ » ។ តែក្រោយមកនាងក៏បានសម្លឹងមើល
ទៅស្នាមកំពកប៉ោងលើក្បាលពោះរបស់នាង ដែលជាទីវេជ្ជបណ្ឌិត បានវះកាត់ដើម្បីរក្សាបំណែក
ឆ្អឹងលលាដ៍ក្បាល រង់ចាំដល់ថ្ងៃតភ្ជាប់នឹងឆ្អឹងក្បាលវិញ។
វេជ្ជបណ្ឌិត ថូម៉ាស ម៉ាននីង ដែលបានព្យាបាលឲ្យនាងបានពន្យល់ថា ៖ « រាងកាយអ្នកជំងឺគឺជា
កន្លែង អាចរក្សាឆ្អឹងលលាដ៍ក្បាលនេះបានល្អ ប្រសើរ ។ បន្ទាប់ពីជាសះស្បើយ យើងនឹងវះយក
វាមកតភ្ជាប់កន្លែងដើមវិញ» ។ ៤២ថ្ងៃក្រោយ វេជ្ជបណ្ឌិតក៏បានដកយកបំណែកឆ្អឹងលលាដ៍ក្បាល
ពីក្នុងពោះ មកតភ្ជាប់នឹងឆ្អឹងក្បាលដូចការសន្យា។ ករណី វះកាត់ដ៏ចម្លែកនេះក៏ធ្លាប់ត្រូវបានអនុវត្ត
ជាមួយលោកពិធីករ បុប វូត្រាហ្វ ពេលរងរបួសពីសង្គ្រាមឯប្រទេសអ៊ីរ៉ាក់ផងដែរ។
ទោះបីជាពេលឥឡូវ សុខភាពរបស់នាង ចាមី បានសះស្បើយលឿនក៏ពិតមែន ប៉ុន្តែនាងនៅមិន
ទាន់អស់អារម្មណ៍ភិតភ័យឡើយ ដោយនាងថ្លែងថា៖ « បានរួចជីវិតពីទ្វារយមរាជមកវិញ ពិតជា
រឿងមួយដ៏អស្ចារ្យណាស់សម្រាប់រូបខ្ញុំ និងក្រុមគ្រួសារ» ៕
ដោយ ៖ ពិសី
ប្រភព ៖ Dailymail
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ធ្លាប់តែមើលវីដេអូកំប្លែងៗរបស់ប្អូនឈើ ឥលូវមកស្តាប់ប្អូននិយាយជាភាសាខ្មែរវិញ ច្បាស់ចេសម្ម៉ង!! (20/02/2019 10:15:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
តារា ដែលមើលច្រើន
