ភ្នំពេញ៖ ថ្មីៗនេះមានផ្ទុះការរិះគន់ថ្មីសន្លាងមួយទៀតហើយ ដោយធ្វើការវាយប្រហារ មិនសំចៃមាត់ ពីសំណាក់ទស្សនិកជន ជាច្រើនទៅលើស្ថានីយទូរទស្សន៍ ខ្មែរប៉ុស្តិ៍លេខ៩ ដែលបានយករឿង «រាជនីឆ្នើម» មកចាក់បញ្ចាំងឲ្យមហាជន ទស្សនាទាំងដែល សាច់រឿងនេះ គឺជារឿងដែលលួចចម្លង ពីរឿងបរទេសមកទាំងស្រុង ពោលគឺចម្លងមកភាពយន្តកូរ៉េ ទាំងការសម្តែង ទាំងការនិយាយស្តី គឺចម្លងគេ គ្មានខ្វះចន្លោះអ្វីឡើយ ។
តាមរយៈឃ្លីបវីដេអូមួយ មានរយៈពេល ៤:៣០ នាទី ត្រូវបានអ្នកលេងបណ្តាញ ទំនាក់ទំនងសង្គម Facebook យកមកកាត់ត ប្រៀបធៀបត្រង់ឈុតឆាក នៃកាសម្ដែងនីមួយៗ និងបង្ហោះចែកចាយពាសពេញបណ្តាញសង្គមយក្សមួយនេះ ។ មិនតែប៉ុណ្ណោះ ទស្សនិកជន ក៏បានធ្វើការរិះគន់ មិនសំចៃមាត់ទៅលើរឿង «រាជនីឆ្នើម» នោះថា បានចម្លងរបៀបសម្ដែង ពីគេមកទាំងស្រុង ដែលធ្វើឲ្យប្រជាជនខ្មែរ មានការបាក់មុខ ដោយសារតែវប្បធម៌ លួចចម្លងពីគេ មិនឈប់មិនឈរទាំងនេះ ។
បើតាមសម្តីរបស់តារាសម្តែងម្នាក់ ដែលបានចូលរួមចំណែក សម្តែងជាតួមេកាស្រីកញ្ញា សារ៉ា បានប្រាប់ឲ្យដឹងថា អ្នកដឹកនាំរឿង «រាជនីឆ្នើម» គឺជាបងស្រីម្ចាស់ស្ថានីយទូរទស្សន៍ប៉ុស្តិ៍លេខ៩ (មិនស្គាល់ឈ្មោះច្បាស់) ហើយសម្រាប់តួឯកស្រី សម្តែងក្នុងរឿងនោះ គឺជាតារាសម្តែង ក្នុងក្រុមបង្ហាញម៉ូដ Pop Model មានឈ្មោះថា «ណាត់តាយ៉ា» ។
ចង់ដឹងថានៅក្នុងរឿង «រាជនីឆ្នើម» មានការលួចចម្លងសាច់រឿង ពីបរទេសយ៉ាងណាខ្លះនោះ សូមទៅទស្សនាជាមួយ ទំព័រកំសាន្តយើងខ្ញុំ ទាំងអស់គ្នាមានដូចខាងក្រោម៖
! :(
Posted by Chhing Chang (ឈីងចាំង និយាយខ្មែរ) on Sunday, 24 May 2015
ផ្តល់សិទ្ធដោយ ៖ ដើមអម្ពិល