ព័ត៌មានកីឡា៖ បែកធ្លាយពេញផ្ទៃសារព័ត៌មាន នៃចំណងស្នេហ៍ដ៏ក្ដៅគគុករបស់ កំពូលតារាបាល់ទាត់ ពិភពលោក ក្រោយពីបានត្រូវគេដឹងថា មានទំនងជាមួយ ពិធីការិនីអត្ថាធិប្បាយព័ត៌មានកីឡា កាលពីព្រឹត្ដិការណ៍ប្រកួត World Cup ។
Cristaino Ronaldo បានត្រូវអ្នកសារព័ត៌មានបំបែក អាថ៌កំបាំងទំនាក់ទំនងជាមួយ អ្នកនាង Vanessa Huppenkothen ដែលត្រូវបានគេស្គាល់ថាជា ពិធីការិនីអត្ថាធិប្បាយព្រឹត្ដិការណ៍ World Cup កាលពីកន្លងផុតទៅនេះ ។
ព្រឹត្ដិការណ៍ជីវិតមួយជ្រុងតូចរបស់កីឡាករ ត្រូវបានស្ថិតក្នុងការងឿងឆ្ងល់ក្រៃលែង ពីសំណាក់មិត្ដអ្នកគាំទ្រ ក្រៅពីអ្វីដែលពួកគេបានដឹងថា កីឡាករ ទើបតែចែកផ្លូវគ្នាជាមួយតារាម៉ូតដ៏ល្បីជនជាតិ រុស្ស៊ី ឈ្មោះ ថា Irina Shayk ត្រឹមតែមួយខែប៉ុណ្ណោះ ហើយអាចទៅមានទំនាក់ទំនង ជាមួយ ពិធីការីនីជន ជាតិ ម៉ិកស៊ិកដោយរបៀបណា ។
យោងតាមប្រភពព័ត៌មានពីគេហទំព័រ Mirror បានបង្ហាញឲ្យដឹងថា មិត្ដភាពថ្មីនៃចំនងស្នេហ៍ ផ្លេកបន្ទោល មួយគូរនេះ បានកំពុងតែបន្ដពេលវេលាណាត់ជួបគ្នា ក្រោយពីអ្នកទាំងពីបានរកឃើញអារម្មណ៍គ្នាទៅវិញទៅមក កាលពីទៅបំពេញកាតព្វកិច្ចតាមប្រទេស ។
សារភាពស្នាមស្នេហ៍ដែលអស់ពីអ្នកចាស់ Ronaldo បានថ្លែងថា ការសម្រេចរបស់ពួកគាត់ សម្រាប់ការចែកផ្លូវគ្នា គឺជារឿងដែលល្អបំផុតសម្រាប់ពួកគាត់ ហើយគាត់សង្ឃឹម និង ជូនពរឲ្យ Irina Shayk មានសុភមង្គល សម្រាប់ផ្លូវថ្មីក្រោយ។
ដោយ៖ អឿ អ៊ុយ
ប្រភព៖ Mirror