កម្លាំងនគរបាល ចុះបង្ក្រាបហាងលក់កាហ្វេ បង្កប់សេវាផ្លូវភេទ, ឃាត់ខ្លួន និងរកឃើញស្រ្តីបម្រើផ្លូវភេទ៧នាក់
(ភ្នំពេញ)៖ កម្លាំងនគរបាលនាយកដ្ឋានប្រឆាំងការជួញដូរមនុស្ស និងការពារអនីតិជន នៃ ក្រសួងមហាផ្ទៃ ក្រោមការសម្របសម្រួលតាមផ្លូវច្បាប់ពី លោក កុល បុន ព្រះរាជអាជ្ញារង អមសាលាដំបូង រាជធានីភ្នំពេញ នៅយប់ថ្ងៃទី២១ ខែមករា ឆ្នាំ២០១៦នេះ បានចុះបង្ក្រាប និងចូលឆែកឆេរ នៅហាងលក់កាហ្វេជារបស់ជនជាតិវៀតណាម ដែលមានបង្កប់សេវាផ្លូវភេទ មួយកន្លែង ស្ថិតនៅក្រោមស្ពានអាកាសស្ទឹងមានជ័យ តាមផ្លូវលេខ២៧១ សង្កាត់ បឹងសាឡាង ខណ្ឌទួលគោក។
លោកឧត្តមសេនីយ៍ លី ឡាយ អនុប្រធាននាយកដ្ឋាន ដែលដឹកនាំកម្លាំងនគរបាលផ្ទាល់ចុះទៅកាន់ទីនោះ បានប្រាប់ថា ជាលទ្ធផល កម្លាំងរបស់លោក បានរកឃើញស្រ្តីបម្រើសេវាផ្លូវភេទចំនួន៧នាក់ ដែលចាត់ទុកថា ជាជនរងគ្រោះ និងឃាត់ខ្លួនជនសង្ស័យ២នាក់ផងដែរ។ លោកឧត្តមសេនីយ៍ បានបន្តទៀតថា ក្រៅពីការឃាត់ខ្លួនជនសង្ស័យ និងជួយសង្គ្រោះនារីរងគ្រោះនោះ កម្លាំងរបស់លោក ក៏បានរកឃើញស្រោមអានាម័យ ទាំងប្រើរួច និងមិនទាន់ប្រើរួច ជាច្រើនប្រអប់ ព្រមទាំងឧបករណ៍សម្រាប់ជក់គ្រឿងញៀនទៀតផង។ ក្រោយបញ្ចប់ ប្រតិបត្តិការចុះឆែឆេរ ហាងកាហ្វេដែលជារបស់ជនជាតិវៀតណាមខាងលើនេះ ត្រូវបានសមត្ថកិច្ច បិទទ្វារទាំងស្រុង ហើយនាំទាំងជនសង្ស័យ និងជនរងគ្រោះទៅសួរនាំ បន្តទៀតនៅនាយកដ្ឋាន ដើម្បីកសាងសំណុំរឿងបញ្ជូន ទៅកាន់តុលាការចាត់ការបន្តតាមនីតិវិធី៕
Posted by Fresh News Photo on Thursday, January 21, 2016
ផ្ដល់សិទ្ធដោយ៖ ហ្វ្រេសញ៉ូវអាស៊ី
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)