CamNews

ស្វែងរកកំរិតខ្ពស់
ព័ត៌មានអន្តរជាតិ 

ប្រទេសថៃខាតបង់ជិត «៨០០លានដុល្លារ» ដោយសារទឹកជំនន់ដើមឆ្នាំមិនធ្លាប់មាន ខណៈមហន្តរាយនេះ​មិនទាន់បញ្ចប់

(បាងកក)៖ ទឹកជំនន់ដ៏ខ្លាំងក្លាដែលបានវាយលុកបណ្តាខេត្តភាគខាងត្បូងប្រទេសថៃ នៅអំឡុងដើម​ឆ្នាំ២០១៧នេះ មិនត្រឹមតែបានផ្តាច់ជីវិតប្រជាជន ៤១នាក់ប៉ុណ្ណោះទេ វានៅបានបំផ្លិចបំផ្លាញទ្រព្យសម្បត្តិរដ្ឋ និងឯកជនជាច្រើនសរុបជាទឹកប្រាក់ជាង ៧៧៣លានដុល្លារសហរដ្ឋអាមេរិក ខណៈអាជ្ញាធរឧតុនិយមបាន​ប្រកាសថា ភ្លៀងធ្លាក់ខ្លាំងនៅតំបន់ភាគខាងត្បូង នឹងកើតមានបន្ថែមទៀត​ពីថ្ងៃទី១៨-២២ ខែមករា។ នេះបើតាម​​ការចេញ​ផ្សាយនៅ​មុននេះ​បន្តិច ដោយសារព័ត៌មាន​បាងកកប៉ុស្តិ៍ នាព្រឹកថ្ងៃអង្គារ ទី១៧ ខែមករា ឆ្នាំ២០១៧។

កាលពីថ្ងៃចន្ទអ្នកនាំពាក្យរដ្ឋាភិបាល​ថៃបាននិយាយថា​នាយករដ្ឋមន្ត្រី លោក ប្រាយុទ្ធ​ ចាន់អូ បានបញ្ជាឱ្យ​ក្រុមមន្ត្រី​របស់លោក ចាត់វិធានការ​ទប់ទល់នឹង​គ្រោះទឹកជំនន់ បង្កឡើង​ដោយភ្លៀងធ្លាក់ខ្លំាង​ដែលអាច​នឹងកើត ឡើងនៅខេត្តភាគខាងត្បូងប្រទេស ព្រមទាំងផ្ដល់ព័ត៌មាន​ដល់ប្រជាជន​នៅក្នុងតំបន់​ឱ្យមានការ​ប្រុងប្រយ័ត្នខ្ពស់ ក៏ដូចជាតាមដានជានិច្ចរាល់ព័ត៌មានវិវត្តន៍ និង សេចក្ដីប្រកាសរបស់​រដ្ឋាភិបាល​ស្ដីពីការព្យាករណ៍អាកាសធាតុ។

​គួរបញ្ជាក់ថា នៅក្នុងខេត្ត Surat Thani ក្រុមអាជ្ញាធរថៃ បានចុះធ្វើអធិការកិច្ចនៅកសិដ្ឋាន​ចិញ្ចឹមសត្វក្រពើជាង ៤២កន្លែង នៅក្នុងស្រុកចំនួន៧ ដោយខ្លាចក្រែង សត្វក្រពើច្រើនជាង ៤,០០០ ក្បាល អាចនឹងរួចពីចេញពីកសិដ្ឋានទាំងនេះ នៅក្នុងករណីមានទឹកជំនន់៕


ប្រភព ៖ បាងកកប៉ុស្តិ័

ផ្តល់សិទ្ធដោយ ៖ ខ្មែរថកឃីង


Tags: Thailand,  Thai,  Bangkok,  Flood, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......