«គួរតែបិទស្ថានទូតនៅកូរ៉េខាងជើងចោលទៅ!» ព្រោះវាគ្មានប្រយោជន៍អ្វីទៀតទេ !
(សេអ៊ូល)៖ អតីតមន្ត្រីទូតម៉ាឡេស៊ីមួយរូបបានអះអាងថា ប្រទេសរបស់លោកគួរតែបិទស្ថានទូតរបស់ខ្លួនប្រចាំនៅទីក្រុងព្យុងយ៉ាងចោលតែម្តងទៅ ដើម្បីជាការឆ្លើយតបទៅនឹងការពាក់ព័ន្ធរបស់កូរ៉េខាងជើងទៅលើឃាតកម្មលើលោក គីម ជុងណាំ បងប្រុសរបស់មេដឹកនាំកំពូលលោក គីម ជុងអ៊ុន ដែលបានប្រព្រឹត្តនៅក្នុងទីក្រុងគូឡាឡាំពួរ។ នេះបើតាមការចេញផ្សាយនៅមុននេះបន្តិច ដោយទីភ្នាក់ងារព័ត៌មានយ៉ុនហាប់ នាព្រឹកថ្ងៃចន្ទ ទី០៦ ខែមីនា ឆ្នាំ២០១៧។
លោក Dennis Ignatius អតីតមន្ត្រីទូតម៉ាឡេស៊ីបានថ្លែងប្រាប់សារព័ត៌មានអាមេរិកយ៉ាងដូច្នេះថា «បេសកកម្មការទូតរបស់ម៉ាឡេស៊ីនៅទីក្រុងព្យុងយ៉ាង វាស្ទើរតែគ្មានប្រយោជន៍អ្វីនោះឡើយ ដូច្នេះគួរតែបិទចោលទៅ ដើម្បីបញ្ជាក់ជាសារច្បាស់ៗទៅកាន់កូរ៉េខាងជើងថា សកម្មភាពដែលខ្លួនបានធ្វើកន្លងមកនោះពិតជាមិនអាចទទួលយកបាននោះទេ។ ទំនាក់ទំនងរវាងប្រទេសទាំងពីរត្រូវបានបំផ្លាញដល់ចំណុចមួយដែលបានមិនអាចស្តារឡើងវិញទៅហើយ»។ ម៉ាឡេស៊ីបានភ្ជាប់ទំនាក់ទំនងការទូតជាផ្លូវការជាមួយទីក្រុងព្យុងយ៉ាង កាលពីឆ្នាំ១៩៧៣ ហើយបង្កើតស្ថានទូតនៅទីនោះកាលពីឆ្នាំ២០០៣។
ទោះបីជាបែបនេះក្តី ទំនាក់ទំនងប្រទេសទាំងពីរបានប្រែជាប្រេះស្រាំខ្លាំងបំផុតជុំវិញឃាតកម្មលើលោក គីម ជុងណាំ កាលពីថ្ងៃទី១៣ ខែកុម្ភៈ និងការចោទប្រកាន់ថា កូរ៉េខាងជើងលួចរកស៊ីជួញដូរអាវុធក្នុងប្រទេសម៉ាឡេស៊ី។ សង្គ្រាមការទូតរវាងម៉ាឡេស៊ី និងកូរ៉េខាងជើង ជុំវិញការជាប់ពាក់ព័ន្ធរបស់ទីក្រុងព្យុងយ៉ាងដែលត្រូវបានគេចោទថា ជាអ្នកនៅពីក្រោយអំពើឃាតកម្មនោះ បានបង្កឲ្យរដ្ឋាភិបាលម៉ាឡេស៊ីឈឺក្បាលយ៉ាងខ្លាំង និងបានបណ្តេញមន្ត្រីទូតកូរ៉េខាងជើងចេញពីប្រទេសទៀតផង៕
ប្រភព ៖ យ៉ុនហាប់
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
