ក្រុមព្រះសីហនុ បន្ដភាពខ្លាំងក្នុងការប្រកួត League-II និងឈរកំពូលតារាង
(ភ្នំពេញ)៖ ក្រុមកំពុងផែស្វយ័តខេត្តព្រះសីហនុ បានបង្កភាពភ្ញាក់ផ្អើលជាខ្លាំង សម្រាប់ការប្រកួតលីគលំដាប់ទី២ League-II របស់កម្ពុជា បន្ទាប់ពីបន្ដយកឈ្នះក្រុមម្ចាស់ផ្ទះខេត្តកំពង់ស្ពឺ ដោយលទ្ធផល ១-០ ក្នុងជំនួបសន្សំពិន្ទុប្រចាំសប្ដាហ៍ទី៣ កាលពីម្សិលមិញ ដើម្បីឡើងឈរកំពូលតារាងពិន្ទុបណ្ដោះអាសន្នទៀតផង។
ការឈរកំពូលតារាងរបស់ក្រុមមកពីខេត្តជាប់មាត់សមុទ្រនេះ គឺក្រោយយកឈ្នះ ៣ប្រកួតផ្ទួនៗ ក្នុងនោះបានយកឈ្នះក្រុមយុវជនសាលាបាល់ទាត់ជាតិបាទី ក្រុមខេត្តកំពង់ឆ្នាំង និងក្រុមជម្រើសខេត្តកំពង់ស្ពឺ ដោយលទ្ធផល ១-០ ដូចៗគ្នា ដូច្នេះអាចនិយាយបានថា ឧបសគ្គធំនៅសល់សម្រាប់ក្រុមកំពង់ផែស្វយ័តខេត្តព្រះសីហនុ គឺមានក្រុមគិរីវង់សុខសែនជ័យ និងក្រុមអគ្គិសនី ដែលមិនទាន់បានជួប។
ប៉ុន្ដែយ៉ាងណាក្រុមគិរីវង់សុខសែនជ័យ ដែលបានគ្រង់តំណែងកំពូលតារាង ២សប្ដាហ៍ជាប់គ្នានោះ បានធ្លាក់មកឈរលេខ៣វិញហើយ ក្រោយប្រកួតចាញ់ក្រុមយុវជនសាលាបាល់ទាត់ជាតិបាទី ដោយលទ្ធផល ២-០ ពីម្សិលមិញ ដែលធ្វើឲ្យក្រុមតំណាងខេត្តតាកែវនេះមាន ៦ពិន្ទុជាមួយលទ្ធផល ៣ប្រកួតឈ្នះ២ និងចាញ់១។ រីឯក្រុមយុវជនសាលាបាល់ទាត់ជាតិបាទី បានស្គាល់ឈ្នះដំបូងក្នុងចំណោម ៣ប្រកួតឈ្នះ១ ស្មើ១ និងចាញ់១ មាន ៤ពិន្ទុក្នុងដៃ។
ចំណែកលទ្ធផល ២ប្រកួតផ្សេងទៀត នៅក្នុងសប្ដាហ៍ទី៣ នេះរួមមានក្រុមម្ចាស់ផ្ទះខេត្តកំពង់ឆ្នាំងបានយកឈ្នះក្រុមមជ្ឈមណ្ឌហ្វឹកកហ្វឺនកីឡាខេមរៈភូមិន្ទ ដោយលទ្ធផល ៤-១ ហើយនេះក៏ជាជ័យជម្នះលើកដំបូងរបស់ក្រុមជម្រើសខេត្តកំពង់ឆ្នាំងផងដែរ។ រីឯក្រុមអគ្គិសនីកម្ពុជា បានលត់ក្រុមម្ចាស់ផ្ទះខេត្តសៀមរាប ៣-០ ដើម្បីឡើងឈររៀងទី២ និងមាន ៦ពិន្ទុជាមួយនឹងលទ្ធផល ៣ប្រកួតឈ្នះ៣ និងចាញ់១៕
ផ្តល់សិទ្ធដោយ ៖ ខ្មែរថកឃីង
- គិរីវង់ ខ្ចីកីឡាករក្រោន ២នាក់ ទៅប្រជែងកៅអីក្នុង League-II (27/10/2016 15:44:00)
- លទ្ធផល League-II សប្ដាហ៍ទី២ ខណៈគិរីវង់ឈរកំពូលតារាង (10/10/2016 09:54:00)
កីឡាអន្តរជាតិ ដែលមើលច្រើន
