ជើងឯកបាញ់កាំភ្លើងពិភពលោក រំពឹងកីឡាបាញ់កាំភ្លើងកម្ពុជា រីកចម្រើននៅ ២ឆ្នាំខាងមុខ
(ភ្នំពេញ)៖ កីឡាការិនី Gushchina Maria អតីតជើងឯកកីឡាបាញ់កាំភ្លើងពិភពលោក ២ឆ្នាំជាប់គ្នា បានលើកឡើងថា ថ្វីត្បិតកម្ពុជា ទើបរៀបចំហេដ្ឋារចនាសម្ព័ន្ធកីឡាបាញ់កាំភ្លើងសាជាថ្មី ប៉ុន្ដែកញ្ញាសង្កេតឃើញកីឡាករ-កីឡាការិនីកម្ពុជា មានទេពកោសល្យល្អ ដូច្នេះយ៉ាងយូរ ២ឆ្នាំ ឬ ៣ឆ្នាំទៅមុខ ពួកគេនឹងក្លាយជាធនធានដ៏សំខាន់ ដែលជួយឲ្យវិស័យកីឡាបាញ់កាំភ្លើងកម្ពុជា រីកចម្រើនដូចបណ្ដាប្រទេសជិតខាង ។
កីឡាការិនីបាញ់កាំភ្លើងកម្រិតពិភពលោករូបនេះ បានលើកឡើងបែបនេះ នៅពេលកញ្ញាបានផ្ដល់កិត្តិយសចូលរួមបង្ហាញសមត្ថភាពក្នុងព្រឹត្តិការណ៍បាញ់កាំភ្លើងជ្រើសរើសជើងឯក លើកទី១ ដែលសហព័ន្ធកីឡាបាញ់កាំភ្លើងកម្ពុជា រៀបចំកាលពីពេលថ្មីៗកន្លងទៅ ដោយមានកីឡាករ-កីឡាការិនីប្រមាណជាង ៣០នាក់ចូលរួមនោះ ។
កញ្ញា Gushchina Maria បានថ្លែងប្រាប់ Khmertalking ថា កញ្ញាពិតជាសប្បាយ ដែលកញ្ញាបានមកដល់ប្រទេសកម្ពុជា ហើយឃើញទីលានបាញ់កាំភ្លើងនៅទីនេះ មានលក្ខណៈស្ដង់ដា ។ ជាពិសេសគឺកីឡាករ-កីឡាការិនីកម្ពុជាម្នាក់ៗ មានភាពឧស្សាព្យាយាម បើទោះបីពួកគេនៅខ្វះខាតបច្ចេកទេសហ្វឹកហាត់ក៏ដោយ ។ ប៉ុន្ដែប្រសិនបើពួកគេព្យាយាមបែបនេះ យ៉ាងហោចណាស់ ២ឆ្នាំទៅមុខ ពួកគេនឹងមានសមត្ថភាពគ្រប់គ្រាន់អាចចូលរួមប្រកួតលើឆាកអន្ដរជាតិជាមិនខាន ។
សូមបញ្ជាក់ផងដែរថា កីឡាការិនីជនជាតិរុស្ស៊ី Gushchina Maria បច្ចុប្បន្នមានវ័យ ២១ឆ្នាំ ប៉ុន្ដែមុននឹងក្លាយជាម្ចាស់ជើងឯកកីឡាបាញ់កាំភ្លើងពិភពលោក នាងធ្លាប់គ្រងតំណែងជើងឯកពានរង្វាន់ ២ស្ថាប័នធំៗទៀត ក្នុងនោះធ្លាប់ជាកីឡាករជើងឯកប្រចាំប្រទេសរុស្ស៊ីចំនួន ៧លើក និងធ្លាប់គ្រងតំណែងជើងឯកកីឡាបាញ់កាំភ្លើងប្រចាំសហគមន៍អឺរ៉ុបម្ដងផងដែរ ៕
ផ្តល់សិទ្ធដោយ ៖ ហ្វ្រេសញូវអាស៊ី
- ស្វាយរៀង លត់វេស្ទើនចាស់ដៃ ៥-០ ដើម្បីឈរកំពូលតារាងលីគកម្ពុជា (06/03/2017 10:16:00)
- អនាគតគ្រូ Lee ជាមួយក្រុមគោព្រៃកម្ពុជា នឹងដឹងស្អែកនេះ! (01/03/2017 09:19:00)
- ខ្លោចផ្សា!! លោក ម៉ា សេរី ទទួលមរណភាពបាត់ទៅហើយ នៅម៉ោងជិត៦ព្រឹកនេះ (08/02/2017 09:29:00)
- ក្រុម Cam-Tiger តែងតាំងជនជាតិជប៉ុនជាគ្រូបង្វឹកភ្លាមៗ ក្រោយការចាកចេញរបស់លោក ហុក សុជីវ័ន្ដ (07/02/2017 10:28:00)
- ក្លឹបភ្នំពេញក្រោន ប្រកាសបើកឲ្យគូប្រជែងខ្ចីជើងកីឡាករខ្លួន ដើម្បីត្រៀមលីគរដូវកាលថ្មី (23/01/2017 10:31:00)
- ចាន់ វឌ្ឍនាកា ចាកឆ្ងាយពី ក្លឹបបឹងកេតអង្គរ ទៅលេងឲ្យក្លឹបជប៉ុន Fujieda MYFC ១ឆ្នាំ (13/01/2017 18:08:00)
- ភ្នំពេញក្រោន បន្ថែមគ្រូជំនួសអ៊ុយក្រែនម្នាក់ កាន់សញ្ញាបត្រ UEFA B Licence (12/01/2017 09:18:00)
- បឹងកេត ប្រកាសចែកផ្លូវជាមួយលោក ប្រាក់ សុវណ្ណារ៉ា ស្របពេលលោកកំពុងនៅជប៉ុន (08/01/2017 13:25:00)
- ក្រុមទ័ព ដំឡើងប្រាក់ខែដល់កីឡាករគួរឲ្យភ្ញាក់ផ្អើល មុនរដូវកាលថ្មីចាប់ផ្ដើម (05/01/2017 13:51:00)
- ម្ចាស់មេដាយមាស កីឡាស៊ីហ្គេម លើកទី៣ ទទួលមរណភាព ខណៈកូនៗអំពាវនាវរកជំនួយធ្វើបុណ្យ (03/01/2017 13:40:00)
កីឡាជាតិ ដែលមើលច្រើន
