ព័ត៌មានអន្តរជាតិ ៖ កូរ៉េខាងត្បូង អះអាងអោយដឹងថា រដ្ឋា ភិបាល ប្រទេស កូរ៉េខាងជើង បានប្រើ ប្រាស់ប្រាក់ឈ្មួលកម្មករ ៧០%(ប្រាក់ឈ្នួលពលរដ្ឋកូរ៉េខាងជើងរកបានពីការធ្វើការនៅឯតំបន់ឧស្សា ហកម្មរួម Kaesong) សម្រាប់កម្មវិធីអាវុធនុយក្លេអ៊ែររបស់ខ្លួន ក៏ដូចជាយកទៅប្រើប្រាស់ទិញដូររបស់ របរទំនើបៗសម្រាប់ក្រុមអភិជន។
គួរបញ្ជាក់ថា សប្តាហ៍កន្លងទៅនេះ កូរ៉េខាងត្បូង បានផ្អាកដំណើរការអាជីវកម្មរបស់ខ្លួន នៅក្នុងតំបន់ ឧស្សាហកម្ម Kaesong ក្រោយពីមានការធ្វើតេស្តិ៍សាកល្បង អាវុធនុយក្លេអ៊ែរ ក៏ដូចជាបំផ្ទុះគ្រាប់បែក អ៊ីដ្រូសែន និងបាញ់បង្ហោះផ្កាយរណបជាច្រើនលើកច្រើនសា ពីសំណាក់ប្រទេស កូរ៉េខាងជើង។ ប្រតិ កម្មនឹងការផ្អាកដំណើរការអាជីវកម្ម ពីសំណាក់ប្រទេសកូរ៉េខាងត្បូង កូរ៉េខាងជើង ឈានទៅសម្រេច បិទតំបន់ Kaesong ទាំងស្រុង និងដាក់ស្ថិតនៅក្រោមការឃ្លាំមើល ពីយោធាខណៈកូរ៉េខាងជើងលើក ឡើងថា ការផ្អាកដំណើរការអាជីវកម្មកូរ៉េខាងត្បូង គឺជាការប្រកាសសង្គ្រាម ។ គួរបញ្ជាក់ថា Kaesong គឺជាតំបន់ឧស្សាហកម្ម សហការរួមគ្នាចុងក្រោយបង្អស់រវាងឧបទ្វីបកូរ៉េ។
ប្រតិកម្មនឹងការផ្អាកដំណើរការអាជីវកម្មពីសំណាក់ប្រទេសកូរ៉េខាងត្បូង កូរ៉េខាងជើងបានដាក់កំហិត បណ្តេញចេញពលរដ្ឋកូរ៉េខាងត្បូង និងបានបង្កករាល់ទ្រព្បសម្បត្តិសហគ្រាសដែលបានផ្អាកដំណើរ ការទាំងនោះ ។ មិនត្រឹមតែប៉ុណ្ណោះ កូរ៉េខាងជើង ប្តេជ្ញា កាត់ផ្តាច់ ព័ត៌មានទូរស័ព្ទជាមួយនឹងកូរ៉េខាង ត្បូងថែមទៀតផង។
របាយការណ៍បញ្ជាក់ឲ្យដឹងថា តំបន់ឧស្សាហកម្មរួម Kaesong គឺមាន កម្មករ ជាពលរដ្ឋកូរ៉េខាងជើង រាប់ពាន់នាក់បម្រើការងារ ឲ្យបណ្តាសហគ្រាសកូរ៉េខាងត្បូង រួមមាន សហគ្រាសវាយនភ័ណ្ឌ គ្រឿង ម៉ាស៊ិនឡានជាដើម។
ថ្ងៃអាទិត្យម្សិលមិញ ក្រសួងលឯសមោធាន ប្រទេសកូរ៉េខាងត្បូង ចេញផ្សាយសេចក្តីថ្លែងការណ៍ឲ្យ ដឹងថា ប្រាក់ឈ្នូល (ជាដុល្លារ) ដែលបានចំណាលទៅលើបណ្តាកម្មករ កូរ៉េខាងជើងនោះបានធ្លាក់ទៅដល់ដៃរដ្ឋាភិបាល ជាជាងធ្លាក់ដល់ដៃផ្ទាល់ បណ្តាកម្មករ ដែលជាពលរដ្ឋកូរ៉េខាងជើង។
រដ្ឋមន្រ្តីក្រសួង ឯកសមោធាន ប្រទេសកូរ៉េខាងត្បូង លោក Hong Yong-pyoគូសបញ្ជាក់ក្តែងៗអោយ ដឹងថា រាល់ រូបិយប័ណ្ឌ បរទេស ដែល អាច រកបាននៅលើទឹកដីកូរ៉េខាងជើង ត្រូវតែបង្វិលទៅកាន់ គណបក្សកាន់អំណាច Workers' Party ក្នុងនោះ ប្រាក់មួយចំនួន ត្រូវបានយកទៅប្រើប្រាស់អភិវឌ្ឍន៍ កម្មវិធីអាវុធ និងម៉ីស៊ីលនុយក្លេអ៊ែរ។ លោកបន្តឲ្យដឹងថា ប្រាក់ឈ្នួលប្រមាណ ៧០%ត្រូវបានរក្សាទុក ដោយរដ្ឋាភិបាលទីក្រុង ព្យុងយ៉ាង ខណៈរដ្ឋាភិបាល កុម្មុយនីស្តមួយនេះ ផ្តល់សន្លឹកប័ណ្ឌជំនួសវិញ សម្រាប់កម្មករកូរ៉េខាងជើង យក ទៅ ប្រើ ប្រាស់ ទិញ ម្ហូបអាហារ និងរបស់របរមានតម្លៃផ្សេងទៀត សម្រាប់ជីវភាពប្រចាំថ្ងៃ។ កូរ៉េខាងត្បូង ប៉ាន់ ស្មាន ឲ្យដឹងថា ប្រាក់ឈ្នួលប្រមាណ ៥០៨លានដុល្លារ ត្រូវបានចំនាយ កាលពីឆ្នាំទៅ សម្រាប់កម្មករកូរ៉េខាងជើង ដែលបានបម្រើការងារនៅក្នុងតំបន់ ឧស្សា ហកម្មរួម Kaesong ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី