Chelsea សម្លឹងឃើញខ្សែប្រយុទ្ធ Bayern Munich ម្នាក់ ដែលអាចជំនួសតំណែង Diego Costa
ព័ត៌មានកីឡា៖ ក្លឹប Chelsea បានសម្លឹងឃើញខ្សែប្រយុទ្ធម្នាក់ក្នុងទឹកដីអាល្លឺម៉ង់ ដែលអាចចូលខ្លួនជំនួសតំណែង Diego Costa បាននាពេលអនាគត ប៉ុន្ដែមុខសញ្ញាដែលសម្លឹងឃើញនោះ ក៏ជាគោលដៅរបស់ ក្លឹប បិសាចក្រហម Man United ដែរ គេនោះគឺ Thomas Muller របស់ Bayern Munich ។
Thomas Muller ក៏មានទំនាក់ទំនងយ៉ាងស្អិតរមួត ជាមួយក្លឹប Man United កាលពីរដូវកាលមុន ខណៈដែលកីឡាករក៏មានបំណងចាកចេញ ផងដែរ ប៉ុន្ដែត្រូវបានដំណឹងមួយលេចធ្លាយផងដែរថា ក្លឹប ហ៊ានផ្ដល់ឲ្យនូវតម្លៃខ្លួនត្រឹមតែ ៧០ លានផោនតែប៉ុណ្ណោះ ហើយក៏ត្រូវបានកីឡាករបដិសេធចោល ក្រោយមកទៀត ដំណឹងក៏ស្ងាត់ទៅវិញ។ ប៉ុន្ដែមកទល់ពេលនេះ ដំណឹងទីផ្សារកីឡាករទំនងដូចជា កក្រើកឡើងវិញម្ដងទៀត ហើយ ដោយសមាជិក Premier League ម្នាក់ទៀត គឺ Chelsea ក៏មានចំណាប់អារម្មណ៍នឹងកីឡាករផងដែរដោយគម្រោង នឹងចូលជំនួសតំណែង Diego Costa ។
ប្រធានគ្រប់គ្រងក្រុមជម្រើសជាតិ អាល្លឺម៉ងលោក Lothar Matthaus បានថ្លែងដែរថា សម្រាប់កីឡាករខ្សែប្រយុទ្ធរូបនេះ គឺមិនចូលចិត្ដនឹងផ្ទេរទៅកាន់ក្លឹប ទាំងពីរនោះឡើយ ដោយឡែកបើ Barcelona ទំនងជាអាចសម្រាប់គេ ប៉ុន្ដែមិនដឹងថា ទម្រង់លេងរបស់គេអាចរៀបចំត្រូវជើងគ្នាដែរឬ ក៏យ៉ាងណា។ បើតាម គំនិតគាត់ Thomas Muller មិនគួរផ្ទេរចេញទៅណាទាំងអស់ គួរតែនៅ Bayern រហូតចូលនិវត្ដ ព្រោះភាពល្បីល្បាញរបស់គេ កើតឡើងនៅទីនោះ ដូច្នេះ គាត់ចាប់ផ្ដើមទីណា ក៏គួរតែបញ្ចប់ទៅវិញនៅទីនោះ ។
តែទោះបីជាយ៉ាងណាក៏ដោយ សម្រាប់ Chelsea មិនទាន់បានលេចឮដំណឹងអ្វីទាក់ទងនឹងតម្លៃខ្លួន កីឡាករម្នាក់នេះទេ ហើយក្លឹប ក៏មិនទាន់អះអាងទាំងស្រុងផងដែរថា ត្រូវតែតាមទិញ យកឲ្យបាន។
ដោយ៖ អឿ អ៊ុយ
ប្រភព៖ footballfancast
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
