ភ្លៀងធ្លាក់មួយប្រាវ «ជន់លិចផ្ទះ និងអគាររាប់ពាន់ខ្នងនៅទូទាំងរដ្ឋធានីហ្សាការតា» របស់ឥណ្ឌូណេស៊ី!
(ហ្សាការតា)៖ ភ្លៀងធ្លាក់ដ៏ខ្លាំងក្លានៅក្នុងរដ្ឋធានីហ្សាការតានៃប្រទេសឥណ្ឌូណេស៊ី បានបង្កឲ្យប្រព័ន្ធលូបង្ហូរទឹករបស់ទីក្រុងទប់ទល់លែងរួច និងបានបណ្តាលឲ្យជន់លិចផ្លូវថ្នល់ជាច្រើនខ្សែ ព្រមទាំងលំនៅឋានរាប់ពាន់ខ្នង។ នេះបើតាមការចេញផ្សាយដោយសារព័ត៌មាន បាងកកប៉ុស្តិ៍ នៅមុននេះបន្តិចនារសៀលថ្ងៃអង្គារ ទី២១ ខែកុម្ភៈ ឆ្នាំ២០១៧។
ទីភ្នាក់ងារទប់ស្កាត់គ្រោះមហន្តរាយឥណ្ឌូណេស៊ីបានឲ្យដឹងនៅថ្ងៃអង្គារនេះថា តំបន់ជាង៥០កន្លែងនៅក្នុងរដ្ឋធានីហ្សាការតាត្រូវបានទឹកភ្លៀងជន់លិច ជាមួយនិងកម្ពស់ទឹកដល់ទៅ១.៥ម៉ែត្រនៅភាគខាងកើតនៃទីក្រុង ដោយសារតែប្រព័ន្ធលូបង្ហូរទឹកមិនអាចទប់ទល់នឹងចំនួនទឹកភ្លៀងដ៏ខ្លាំងក្លាបាន ហើយទន្លេមួយចំនួនក៏បានហូរហៀរថែមទៀតផង។
គួរបញ្ជាក់ថាគ្រោះទឹកជំនន់ដ៏អាក្រក់កាលពីឆ្នាំ២០១៣ បានផ្តាច់យកជីវិតមនុស្សមិនក្រោម២៥នាក់នោះឡើយនៅក្នុងទីក្រុងហ្សាការតា និងបានបង្ខំឲ្យប្រជាជននៅទីនោះរាប់ម៉ឺននាក់ភៀសខ្លួនចេញពីផ្ទះសម្បែងរបស់ពួកគេ។ ជាមួយគ្នានេះដែរអាជ្ញាធរទីក្រុងហ្សាការតាដែលមានប្រជាជនរស់នៅដល់ទៅប្រហែល ៣០លាននាក់នោះ បានអះអាងថាខ្លួនបានកាត់បន្ថយតំបន់ជាច្រើនដែលងាយនឹងទទួលរងការជន់លិចចាប់តាំងពីពេលនោះមក តាមរយៈការស្តារទន្លេនានាដែលពោពេញដោយសំរាម និងវិធានការដ៏មានប្រសិទ្ធភាពដទៃៗទៀត៕
ប្រភព ៖ បាងកកប៉ុស្តិ៍
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
