CamNews

ព័ត៌មានកំសាន្ត ៖ រយៈពេល ២៤ម៉ោងចុងក្រោយនេះ​ រឿងអាស្រូវ ពាក់ព័ន្ធនឹងការប្រលងប្រជែង តំណែង មកុដ​​បវរកញ្ញា​ចក្រវាល​ឆ្នាំ​២០១៥ (Miss Universe 2015) ពិត ជាល្បីល្បាញជាខ្លាំង​ នៅ តាមបណ្តាញសារព័ត៌មានល្បីៗ ក៏ដូចជា​ នៅតាមបណ្តាញសង្គម ពោលរឿងអាស្រូវដ៏ធ្ងន់ធ្ងរនោះ គឺ ពិធីករ Harvey ច្រឡំប្រកាសបវរកញ្ញា​មក​ពី​ប្រទេសកូឡុំប៊ី​ជា​អ្នក​ឈ្នះ​លេខ​១   ខណៈអ្នកដែល ឈ្នះលេខ ១ និងលើកពានពិតប្រាកដនោះគឺ បវរកញ្ញាមកពីប្រទេសហ្វីលីពីន Pia Wurtzbach ។

ដើមឡើយ ខណៈមានការប្រកាសឈ្មោះថា ខ្លួនបានឈ្នះពានបវរកញ្ញាចក្រវាល ឆ្នាំ ២០១៥ នាង Ariadna Gutierrez មកពីប្រទេស កូឡុំប៊ីនោះ ពិតជាសប្បាយជាខ្លាំង ខណៈដើរទៅសាទរ បណ្តា ក្រុមអ្នកគាំទ្រ ក៏ដូចគ្រងម្កុដ តែដឹងអីថា រយៈពេលខ្លី ត្រឹមតែ​មួយនាទីក្រោយ មក  ពិធីករ លោក Harvey បានធ្វើអោយទស្សនិកជនមានភាពភ្ញាក់ផ្អើលជាខ្លាំង ដោយសារភាព ទោសកំហុសពីការ ប្រកាសទាំងខុសឆ្គងរបស់ខ្លួន នោះគឺ អ្នកដែល ឈ្នះលេខ ១ និង  លើក  ពាន ពិតប្រាកដនោះគឺ បវរកញ្ញាមកពីប្រទេសហ្វីលីពីន Pia Wurtzbach ឯណោះវិញទេ ។

ទាំង ២ នាក់ បវរកញ្ញាមកពីប្រទេសហ្វីលីពីន និងកូឡុំប៊ី  ពិត  ជា មានភាពភ្ញាក់ផ្អើលជាខ្លាំង ក្នុង នោះ បវរកញ្ញាកូឡុំប៊ី ហួសចិត្តនឹកស្តាយ ខណៈបវរកញ្ញា ហ្វីលីពីន  ពិតជាមានភាពភ្ញាក់ផ្អើលជា ខ្លាំង នឹកស្មានថា ជារឿងដែលមិនគួរអោយជឿ ស្មានតែយល់ សប្តិ ថែមទៀតផង ។ ភ្ញាក់ផ្អើល ខ្លាំងខណៈប្រការសាជាថ្មី ថាខ្លួនឈ្នះពាន បវរកញ្ញា ហ្វីលីពីន សឹងតែមិនហ៊ានទទួលស្គាល់ សឹង តែឈានជើងទៅមុខលែងរួច ដើម្បីទៅទទួលពានរង្វាន់ ។

គួររំឮកថា ​​​បវរកញ្ញា​​ហ្វីលីពីន​នាង Pia Wurtzbach បាន​គ្រង​តំណែង​មកុដ​​បវរកញ្ញា​  ចក្រវាល​ឆ្នាំ​២០១៥  ខណៈចំណាត់​ថ្នាក់​លេខ​២​បាន​ទៅ​បវរកញ្ញា​មក​ពី​ប្រទេស​កូឡុំប៊ី​មាន​ ឈ្មោះ​ថា​ Ariadna Gutierrez និង​លេខ​៣​ធ្លាក់​ទៅ​បវរកញ្ញា​ម្ចាស់​ផ្ទះ​អាមេរិកនាង Olivia Jordan ។  គួរបញ្ជាក់ថា កម្ម វិធីប្រកួតប្រជែងបវរកញ្ញា ចក្រវាល ឆ្នាំ ២០១៥  ឬ (Miss Universe 2015)  បានធ្វើឡើង នាយប់ ថ្ងៃអាទិត្យកន្លងទៅនេះ ដែល​រៀប​ចំ​ឡើង​នៅ​  កាស៊ីណូ​ Planet Hollywood ក្នុង​ទីក្រុងLas Vegas សហរដ្ឋអាមេរិក៕

*វីដេអូ វិនាទីធ្វើអោយពិភពលោក មានភាពភ្ញាក់ផ្អើល ពីការប្រកាសខុសឈ្មោះ

*វីដេអូ ប្រតិកម្មបវរកញ្ញាឯក បន្ទាប់ពីគ្រងម្កុដ

*វីដេអូ បំនកស្រាយពីការប្រកាសដោយកំហុសឆ្គង

ប្រែសម្រួល ៖ កុសល

ប្រភព ៖ ដឹមីរ័រ និង អ័រតេ