CamNews

ស្វែងរកកំរិតខ្ពស់

ប្រជារាស្ដ្រជាងកន្លះលាននាក់ ចូលរួមដង្ហែព្រះបរមសព នៃអង្គសម្ដេចឪ

ការដង្ហែព្រះបរមសពនៃអង្គព្រះវររាជបីតាឯករាជជាតិ ត្រូវបានធ្វើឡើងដោយមានមនុស្ស
រាប់សិបម៉ឺននាក់ចូលរួម តាំងពីមុខព្រលានយន្ដហោះអន្ដរជាតិភ្នំពេញ រហូតដល់ព្រះបរម
រាជវាំង។

កូនចៅ ចៅទួត របស់អង្គសម្ដេចឪ សម្ដេចតា សម្ដេចតាទួត ដែលធ្វើដំណើរពីគ្រប់ទិសទី
បាននាំគ្នាធ្វើដំណើរមកកាន់ក្រុងភ្នំពេញ ដើម្បីចូលរួមដង្ហែព្រះបរមសពនៃអតីតព្រះមហា
ក្សត្រ។ នៅតាមសងខាងផ្លូវ តាំងពីព្រលានយន្ដហោះអន្ដរជាតិភ្នំពេញ រហូតមកដល់មុខ
ព្រះបរមរាជវាំង ប្រជាពលរាស្ដ្ររាប់សិបម៉ឺននាក់ មានចាស់ មានក្មេង ក្នុងសម្លៀកបំពាក់
ស មានពាក់បូខ្មៅកាន់ទុក្ខ បានទន្ទឹងរង់ចាំ និងបានដង្ហែព្រះបរមសព ប្រកបដោយទុក្ខយ៉ាង
ក្រៀមក្រំជាទីបំផុត។

នៅពេលក្បួនដង្ហែព្រះបរមសព បានចេញផុតពីព្រលានយន្ដហោះភ្នំពេញភ្លាម គេចាប់ផ្ដើម
ឃើញមានមនុស្សជាច្រើន យំស្រែក ស្ដាយស្រណោះ រៀបរាប់ពីអតីតព្រះមហាក្សត្រ។ ទិដ្ឋ
ភាពដ៏ស្រងេះស្រងោចនេះ ពិតជាធ្វើអោយយើងមិនអាចបំភ្លេចបានអស់មួយជីវិត។

ក្បួនដង្ហែ បានយាង និងធ្វើដំណើរដោយសន្សឹមៗ មានអមដោយរថយន្ដរាប់សិបគ្រឿង និង
កងនគរបាលការពាររាប់សិបនាក់ រត់អមសងខាង។ នៅពេលមកដល់វិមានឯករាជ ក្បួនដង្ហែ
ព្រះបរមសព ក៏បានឈប់ ដើម្បីបង្សុកូល។ បន្ទាប់មក ក៏បន្ដដំណើរឆ្ពោះទៅកាន់ព្រះបរមរាជ
វាំង។ នៅវេលាម៉ោងប្រហែល ៥ ល្ងាច ក្បួនដង្ហែ បានយាងមកដល់ព្រះបរមរាជវាំង ពិធីដង្ហែ
ព្រះបរមសពនៃអតីតព្រះមហាវិរក្សត្រ ក៏ត្រូវបានបញ្ចប់ដោយទុក្ខក្រៀមក្រម៕













ដោយ ៖ សូរីយ៉ា


Tags: king ,  cambodia ,  death ,  Royal Palace ,  កម្ពុជា ,  ទីវង្គត់ ,  សីហនុ

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......