អត់ Neymar ប្រេស៊ីល នៅតែខ្លាំង ដោយបានយកឈ្នះម្ចាស់ផ្ទះវេណេហ្សូអេឡា ២-០ ព្រឹកមិញ
(បរទេស)៖ ទោះអវត្តមានកីឡាករជើងខ្លាំង Neymar ដោយបញ្ហារបួស ពុំមែនជាឧបសគ្គសម្រាប់ក្រុមបាល់ទាត់ជម្រើសជាតិប្រេស៊ីលឡើយ ដោយបន្តរកបាន៣ពិន្ទុក្រៅទឹកដីទៀត បន្ទាប់ពីបានយកឈ្នះម្ចាស់ផ្ទះវេណេហ្សូអេឡា ២-០ ព្រឹកមិញនេះក្នុងវគ្គជម្រុះ World Cup 2018 ប្រចាំទ្វីបអាមេរិក។
ក្រុមដែលមានរហស្សនាមថា «សាំបា» ដែលជាជើងឯកពានរង្វាន់បាល់ទាត់ពិភពលោក ៥សម័យកាលនាពេលកន្លងមកនោះ បានចាប់ផ្តើមនូវទម្រង់លេងដ៏ល្អវិញ ក្រោមការដឹកនាំរបស់គ្រូបង្វឹក Tite ដោយគ្រាប់ទី១ រកបានដោយ កីឡាករ Gabriel Jesus ត្រឹមចាប់ផ្តើមបាន ៨នាទីដំបូង មុនពេលមិត្តរួមក្រុម Willian ដែលកំពុងប្រកបអាជីពក្នុងក្លឹប Chelsea របស់អង់គ្លេសនោះ បន្ថែមគ្រាប់ទី២ នៅនាទីទី៥៣ ក្នុងវគ្គទី២ វិញ។
សូមបញ្ជាក់ថា ការប្រកួតដ៏ស្វិតស្វាញនេះដែរ ដ៏ត្រូវបានពន្យារពេលរយៈ១៥នាទី ដោយសារតែដាច់ចរន្តអគ្គិសនីក្នុងទីលាន ខណៈដែលការប្រកួតបន្ត ពុំមានការស៊ុតបញ្ចូលទីបន្ថែមទៀតនោះ។
៣ពិន្ទុបន្ថែមនេះដែរ បានធ្វើឲ្យប្រេស៊ីល រកបាន២១ពិន្ទុ ឡើងទៅឈរនៅកំពូលតារាងវិញ ក្នុងចំណោម១០ប្រទេសជម្រុះប្រចាំតំបន់អាមេរិកឡាទីន (អាមេរិកខាងត្បូង) គ្រាដែលក្រុមជម្រើសជាតិអ៊ុយរូហ្គាយ មាន២០ពិន្ទុតាមពីក្រោយ បន្ទាប់ពីលេងបានស្មើ ២-២ ទល់នឹងម្ចាស់ផ្ទះកូឡុំប៊ី ព្រឹកមិញនេះដូចគ្នានៅក្នុងការប្រកួតលើកទី១០ របស់ពួកគេ៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
