Liverpool និង Sevilla ឡើងទៅជួបគ្នានៅវគ្គផ្តាច់ព្រ័ត្រនៃពាន Europa League ក្រោយទម្លាក់គូ..
(លីវើភូល)៖ ក្រុមហង្សក្រហម Liverpool របស់អង់គ្លេស បានឡើងទៅជួបក្រុមការពារតំណែងជើងឯក Sevilla របស់អេស្ប៉ាញ ដើម្បីប្រជែងយកពានលំដាប់ទី២ ប្រចាំទ្វីបអឺរ៉ុប UEFA Europa League ឆ្នាំ២០១៦ បន្ទាប់ពីទម្លាក់ ក្រុមភ្ញៀវ Villarreal ៣-០ គ្រាដែល Sevilla ឈ្នះ Shakhtar Donetsk ៣-១ ។
សារព័ត៌មាន BBC បានផ្សាយថា Liverpool បានធ្វើការវាយបកឈ្នះវិញដ៏ភ្លូកទឹកភ្លូកដីនៅកីឡដ្ឋាន Anfield របស់ខ្លួន យប់មិញដោយលទ្ធផលបច្ចេកទេស ៣-០ ដាច់មិនឲ្យតដៃរួចក្នុងជើងទី២ ក្រោយជើងទី១ បានរបូត ១-០ នៅក្នុងទឹកដី របស់ Villarreal ក្នុងវគ្គពាក់កណ្តាលផ្តាច់ព្រ័ត្រដោយសរុបលទ្ធផលទាំងពីរជើង Liverpool ៣ និង Villarreal ១ ។
៣គ្រាប់របស់ក្រុមហង្សក្រហមយប់មិញ គឺបានកើតឡើងនៅនាទីទី៧ ដោយគ្រាប់បាល់ Own Goal របស់កីឡាករ Bruno Soriano មុនពេល Daniel Sturridge និងមិត្តរួមក្រុម Adam Lallana រកបានម្នាក់១គ្រាប់ដូចគ្នានៅនាទីទី៦៣ និងនាទីទី៨១ ជាមួយនឹងកីឡាករ Victor Ruiz របស់ Villarreal ត្រូវបានពិន័យកាតក្រហមនៅនាទីទី៧១ផងដែរ ។
ងាកមកមើលក្រុមការពារតំណែងជើងឯកពាន Europa League ២សម័យកាលជាប់ៗគ្នា Sevilla វិញ បានបន្តបំបាក់ ក្រុមភ្ញៀវ Shakhtar Donetsk ៣-១ ក្រោយពេលជើងទី១ នៅទឹកដីអ៊ុយក្រែនទប់បានស្មើ ២-២ ជាមួយនឹងការសរុប លទ្ធផលទាំងពីរជើងគឺ Sevilla ៥ និង Shakhtar Donetsk ៣ ដើម្បីឡើងទៅជួប Liverpool នៅវគ្គផ្តាច់ព្រ័ត្រថ្ងៃទី ១៩ ខែឧសភា ឆ្នាំ២០១៦ នាម៉ោង ១៖៤៥នាទីរំលងអាធ្រាត្រ(ម៉ោងនៅកម្ពុជា)៕
ផ្តល់សិទ្ធដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
