CamNews

ព័ត៌មានកីឡា៖ ក្រុមអ្នកគាំទ្រក្លឹប Espanyol បានវិចខ្ចប់ក្បាលជ្រូក ដែលធ្វើឆ្អិនហើយស្រាប់ ចូលទៅក្នុងពហុកីឡដ្ឋាន Estadi Cornellà-El Prat កាលពីព្រឹត្ដិកាណ៍ប្រកួត Copa del Rey ជើងទី២ ប៉ះជាមួយ ក្លឹប Barcelona ដើម្បីទុកគប់ក្បាលកីឡាករ Gerard Pique ។ 

ក្លឹប Barcelona បានយកឈ្នះដៃគូរប្រកួត គឺក្លឹប Espanyol ទាំងពីរជើងផ្ទួនៗទាំងទឹកដីខាងក្រៅនិងក្នុង សរុបពិន្ទុ ទាំងអស់ ៦-១ ក្នុងព្រឹត្ដិការណ៍ Copa del Rey។ ក្នុងព្រឹត្ដិការណ៍ប្រកួតពេលនោះក្លឹប Barcelona ត្រូវអវត្ដមានកីឡាករ Luis Suárez ព្រោះត្រូវជាប់ការពិន័យ ហាមមិនឲ្យចូលរួមប្រកួតដល់​ទៅ​ ពីរការប្រកួត ។ តែទោះបីជាយ៉ាងណាក៏ដោយ ក្រោយលទ្ធផលនៃការប្រកួតជើងចុងក្រោយ កីឡាកររបស់​ក្លឹប Barcelona ពិសេស​កីឡាករ Gerard Pique តែម្ដងដែលគាត់អាចរួចផុតពីការវាយប្រហាពីសំណាក់អ្នកគាំទ្ររបស់ក្លឹប ​Espanyol ដែលមានបំណងប៉ងគិតជាមុនថា នឹងធ្វើសកម្មភាព វាយប្រហាដោយយកក្បាល​ជ្រួក គប់ទៅលើ​កីឡាករ។ 

យោងតាមអ្នកសារព័ត៌មានបានអះអាងថា អ្នកគាំទ្ររបស់ក្លឹប ​Espanyol បានលាតត្រដាង នូវក្បាលជ្រូកដែលធ្វើឆ្អិនហើយស្រាប់ ប្រាប់ទៅពួកគេថា គ្រោងនឹងគប់ក្បាលកីឡាករ Gerard Pique ដើម្បីបង្កើតរឿងអចេតនាមួយម្ដងទៀត ឲ្យដូចទៅនឹងហេតុការណ៍កាលពីខែវិច្ឆិការ ឆ្នាំ ២០០២ ដែលពេលនោះ អ្នកគាំទ្ររបស់ក្លឹប Barcelona ក៏បានយកក្បាលជ្រូកគប់ទៅកីឡាករ Luís Figo ផងដែរបន្ទាប់ពីកីឡាករនេះ បានផ្ទេរចេញ​ពីក្លឹប Barcelona ទៅកាន់ក្លឹប Real Madrid។ 

ប្រភពព័ត៌មានបានបន្ដទៀតថា គោលដៅដែលគេចង់ប៉ុនប៉ងនោះគឺកីឡាករ Gerard Pique តែនៅ​ពេល​នោះ គោលដៅដែលពួកគេ ប៉ងធ្វើត្រូវបានមានគេដឹងមុន ទើបកីឡាករមិនហ៊ានចាកចេញពីបង់​អង្គុយ ដោយមានអ្នកគាំទ្រពីរនាក់នៅក្បែរ។ ក្រៅពីមានការប៉ុនប៉ងចង់គប់ក្បាលនឹង ក្បាលជ្រូកទៅ អ្នកគាំទ្រទាំងនោះ បានលើកបដា យ៉ាងធំដោយសរសេរ វាយប្រហារប្រពន្ធកីឡាករ គឺតារាចម្រៀង Shakira និង កីឡាករ Luis Suárez ។ តែទោះបីជាយ៉ាងណាក៏ដោយ ក្រោយចប់ការប្រកួតទាំងស្រុងមិនមាន អ្វីកើតឡើងនោះទេ។ 

ដោយ៖ អឿ អ៊ុយ

ប្រភព៖ theguardian