CamNews

ស្វែងរកកំរិតខ្ពស់
ព័ត៌មានអន្តរជាតិ 

រឿងអាស្រូវប្រធានាធិបតីកូរ៉េខាងត្បូងកាន់តែរីកធំ ខណៈលោកស្រី Choi Soon-sil ជាមិត្តភក្តិ ត្រូវព្រះរាជ...

(សេអ៊ូល)៖ ស្ត្រីឈ្មោះ Choi Soon-sil ដែលជាដើមចមនៃរឿងអាស្រូវនយោបាយដ៏ខ្មៅងងឹត និងបាន បណ្តាលឲ្យអាណត្តិប្រធានាធិបតីកូរ៉េខាងត្បូងលោកស្រី ផាក គឺនហេ ធ្លាក់ចូលទៅក្នុងវិបត្តិដ៏ធ្ងន់ធ្ងរនោះ ត្រូវបានព្រះរាជអាជ្ញាទីក្រុងសេអ៊ូលធ្វើការឃាត់ខ្លួននាយប់ថ្ងៃចន្ទ នៅប៉ុន្មានម៉ោងក្រោយពេលស្រ្តីរូបនេះ បានចេញមុខបកស្រាយបំភ្លឺតាមការកោះហៅ របស់តុលាការ។ នេះបើតាមការចេញផ្សាយដោយទីភ្នាក់ងារ ព័ត៌មានកូរ៉េខាងត្បូង យុនហ៉ាប់ នៅមុននេះបន្តិចនាព្រឹកថ្ងៃអង្គារ ទី០១ ខែវិច្ឆិកា ឆ្នាំ២០១៦។



ដោយព្រួយបារម្ភខ្លាចក្រែងលោកស្រី Choi អាចនឹងធ្វើដំណើរចាកចេញពីប្រទេសជាថ្មីម្តងទៀត និងអាច បំផ្លាញភ័ស្តុតាងចោលព្រះរាជអាជ្ញាកូរ៉េខាងត្បូង បានចាប់ឃាត់ខ្លួនលោកស្រី ជាបណ្តោះអាសន្នដោយ មិនមានដីកាឡើយ និងត្រូវបានគេបញ្ជូនទៅកាន់កន្លែងឃុំខ្លួន ជាបន្ទាន់មួយក្នុងទីក្រុងសេអ៊ូល ខណៈមេធាវី របស់លោកស្រី Choi មិនទាន់ត្រូវបានគេអាចទាក់ទង ដើម្បីផ្តល់សេចក្តីអត្ថាធិប្បាយ បាននៅឡើយទេ នៅថ្ងៃអង្គារនេះ។

គួរបញ្ជាក់ដែរថាព្រះរាជអាជ្ញាកំពុងស៊ើបអង្កេតទៅលើ លោកស្រី Choi Soon-sil ពាក់ព័ន្ធនឹងរឿងអាស្រូវ និងការចោទប្រកាន់ដែលថា លោកស្រីបានប្រើភាពស្និតស្នាលរបស់ខ្លួន​ ជាមួយប្រធានាធិបតីកូរ៉េខាងត្បូង លោកស្រី ផាក គឺនហេ ដើម្បីលូកដៃចូលកិច្ចការផ្ទៃក្នុង ដូចជាពិនិត្យឯកសារសម្ងាត់ផ្សេងៗ និងបាន កេងចំណេញយកលុយជាច្រើន តាមរយៈមូលនិធិសប្បុរសធម៌ថែមទៀតផង៕


ប្រភព ៖ យ៊ុនហាប់/ស៊ីអិនអេ


Tags: South korea,  Busan,  Seoul,  Asia,  President,  Park Geun hye

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......