ឃិត សំម៉ាលីស ផ្ទុះកំហឹងជេរ សុខ ស្រីលក្ខណ៍ កប់ៗមាត់

កំសាន្ត

ឃិត សំម៉ាលីស ផ្ទុះកំហឹងជេរ សុខ ស្រីលក្ខណ៍ កប់ៗមាត់

02:00 PM 19.01.2015
Print Email

ភ្នំពេញ៖ តារាចម្រៀងស្រី នាង ឃិត សំម៉ាលីស ដែលទទួលបានការរិះគន់ ពីទស្សនិកជន រឿងឥរិយាបថតំឡើងឫកពារ ខុសរបៀប និងជារឿងមិនគួរឲ្យកើតមាន ក្នុងជីវិតរបស់អ្នកសិល្បៈ។ ស្រាប់តែរំលងមិនបានប៉ុន្មានថ្ងៃផង នាង ឃិត សំម៉ាលីស ផ្ទុះជំលោះក្ដៅគគុកជាមួយ ប្អូនស្រីកញ្ញា សុខ សីឡាលីន គឺ កញ្ញា សុខ ស្រីលក្ខណ៍ ។

យោងបានតាមប្រភពពី Facebook របស់ កញ្ញា សុខ ស្រីលក្ខណ៍ បានឲ្យឃើញថា កញ្ញា ឃិត សំម៉ាលីស បានផ្ញើសារជេរ នាង សុខ ស្រីលក្ខណ៍កប់ៗមាត់ថា ដោយប្រើពាក្យអសុរោះជាច្រើន ។ មិនអស់ចិត្តនាង ឃិត សំម៉ាលីស បានទៅជេរតន្ត្រីករម្នាក់ផ្សេងទៀត ដោយពាក្យគ្រោធគ្រាតជាច្រើន មិនសមជាតារាស្រី ដែលទទួលបានការគាំទ្រ ពីមហាជនសោះ។

ដោយឡែក នាង សុខ ស្រីលក្ខណ៍ បាននិយាយថា នាងចង់និយាយទៅកាន់ផលិតកម្ម Diamond Music ថា អ្នកជាផលិតកម្មច្រៀងដ៏ល្អ ប៉ុន្តែអ្នកមានអ្នកចម្រៀងប្រភេទនេះ ចូរអ្នកមើលសកម្មភាពតារាចម្រៀងនេះ ជេរពួកនាង ហើយឥឡូវមិត្តក្នុងហ្វេសប៊ុក បានស្គាល់នាងហើយ គឺ ឃិត សំម៉ាលីស ។ ថ្វីត្បិតតែគេមិនបានដឹង ពីជំលោះនេះច្បាស់លាស់ តែត្រូវបានគេឃើញថា មកពីក្រុម សុខ ស្រីលក្ខណ៍ បានចែករំលែកព័ត៌មានមួយ ទាក់ទងនឹង ឃិត សំម៉ាលីស តំឡើងឫកពារ រួចនាង សំម៉ាលីស ក៏ខឹងសម្បារ ជេរមិនប្រណីមាត់តែម្ដង៕