ស្តេច អារ៉ាប៊ី សាអូឌីត យាងមកដល់ឥណ្ឌូណេស៊ីហើយ ក្រោមការការពារសន្តិសុខយ៉ាងតឹងរ៉ឹងបំផុត!
(ហ្សាការតា)៖ ព្រះចៅ Salman នៃព្រះរាជាណាចក្រ អារ៉ាប៊ី សាអូឌីត បានយាងមកដល់រដ្ឋធានីហ្សាការតានៃប្រទេសឥណ្ឌូណេស៊ីហើយនៅថ្ងៃពុធនេះ ខណៈដែលព្រះអង្គកំពុងស្ថិតនៅក្នុងដំណើរទស្សនកិច្ចដ៏គួរឲ្យភ្ញាក់ផ្អើលរយៈពេល ១ខែទូទាំងទ្វីបអាស៊ី។ នេះបើតាមការដកស្រង់ព័ត៌មានពី Channel News Asia នារសៀលថ្ងៃពុធ ទី០១ ខែមីនា ឆ្នាំ២០១៧។
យន្តហោះរបស់ព្រះចៅ Salman បានចុះចតនៅអាកាសយានដ្ឋានយោធា នៃរដ្ឋធានីហ្សាការតាក្រោមការការពារសន្តិសុខយ៉ាងខ្លាំងក្លាបំផុតពីអាជ្ញាធរឥណ្ឌូណេស៊ី ដែលជាប្រទេសមូស្លីមធំជាងគេបំផុតលើលោក។ ដំណើរទស្សនកិច្ចរបស់ព្រះអង្គ Salman នេះគឺមិនធ្លាប់មាននោះឡើយនារយៈពេលជាង ៥ទសវត្សរ៍មកនេះក្នុងនាមជាស្តេចនៃមហាអំណាចនៅពិភពអារ៉ាប់។ នៅល្ងាចថ្ងៃពុធនេះ លោកប្រធានាធិបតីឥណ្ឌូណេស៊ី ចូកូ វីដូដូ នឹងទទួលស្វាគមន៍ដំណើរយាងមកដល់របស់ព្រះចៅ Salman។
ព្រះទីនាំងនៃព្រះចៅ Salman ពីព្រលានយន្តហោះត្រូវបានរៀបចំឡើងដ៏ធំលើសសព្វដង ដោយក្នុងនោះឥណ្ឌូណេស៊ីបានរៀបចំមន្ត្រីសន្តិសុខ និងមន្ត្រីរដ្ឋាភិបាលសរុបជិត ១,៥០០នាក់ឲ្យហែរហមដំណើរ ហើយនឹងការរៀបចំពិធីទទួលដោយប្រើប្រាស់រថយន្តទំនើបៗ ព្រមទាំងឧបករណ៍ពិធីការដ៏ប្រណិតៗថែមទៀត ដើម្បីឲ្យសាកសមទៅនឹងកិត្តិយសនៃប្រទេសធំជាងគេប្រចាំតំបន់អាស៊ានមួយនេះ។
គួរបញ្ជាក់ថាប្រទេសទាំងពីរ ឥណ្ឌូណេស៊ី-អារ៉ាប៊ី សាអូឌីត គ្រោងនឹងចុះហត្ថលេខាលើកិច្ចព្រមព្រៀងសហការកម្ចាត់អំពើភេរវកម្ម។ នៅអំឡុងពេលដែលព្រះចៅ Salman បំពេញទស្សនកិច្ចនៅឥណ្ឌូណេស៊ីរយៈពេល១២ថ្ងៃនេះ សន្តិសុខមានការរឹតបន្តឹងខ្លាំង ខណៈការវាយប្រហារដោយបំផ្ទុះគ្រាប់បែកកាលពីប៉ុន្មានថ្ងៃមុនព្រះអង្គយាងមកដល់ឥណ្ឌូណេស៊ី ត្រូវបានអាជ្ញាធរប្រទេសអាស៊ានមួយនេះអះអាងថា ជាទង្វើនៃបណ្តាញក្រុមរដ្ឋអ៊ីស្លាម ISIS៕
ប្រភព ៖ CNA
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
