CamNews

មន្រ្ដី​ជាន់ខ្ពស់ម្នាក់របស់ NASA ជាលើកដំបូងបាននិយាយអំពី “តំបន់ ៥១” ដែលជាទីតាំងកងទ័ព
ដ៏អាថ៌កំបាំង​របស់អាមេរិក​ ទាក់ទឹននឹង​មនុស្សភព​ក្រៅ។

Charles Bowden ដែលជាអ្នកដឹកនាំម្នាក់របស់ NASA បានអះអាងថា មនុស្សភពក្រៅ​អាចនឹង
មានពិត ហើយលោកក៏បាននិយាយអំពីមូលដ្ឋានទ័ពនៅសមុទ្រខ្សាច់ Nevada ជាកន្លែងដែល
ត្រូវបានគេចោទប្រកាន់ថា រដ្ឋាភិបាលអាមេរិក កំពុងតែរក្សា​សាកសព​របស់មនុស្សភពក្រៅ។

តំបន់ ៥១ គឺជាមូដ្ឋានទ័ពអាមេរិក ដែលត្រូវបានការពារយ៉ាងតឹងរឹងបំផុត

លោក Charles Bowden បានចែករំលែកអំពីប្រការដ៏អស្ចារ្យមួយចំនួន នៅក្នុងការជួបជុំសិស្ស​
ជាច្រើន នៅពេលពួកគេសួរអំពីរឿងមនុស្សភពក្រៅ។

បន្ទាប់ពីសិស្សម្នាក់​សួរអំពីវត្តមានរបស់មនុស្សភពក្រៅ លោក Bowden ថ្លែង ៖ “ខ្ញុំជឿថា ថ្ងៃ
ណាមួយ យើងនឹងរកឃើញសត្វមានជីវិត​ដែលមិនមាននៅលើផែនដី ដោយវា​មាននៅក្នុង
ប្រព័ន្ធព្រះអាទិត្យដទៃ (មានរាប់ពាន់លានប្រព័ន្ធព្រះអាទិត្យ នៅ​ក្នុងអវកាស)”។

បន្ទាប់មក លោក Charles Bowden បាននិយាយអំពីប្រធានបទដទៃមួយទៀតដែលគួរចាប់
អារម្មណ៍ នោះគឺ “តំបន់ ៥១”។

“តំបន់ ៥១” ស្ថិតនៅភាគខាងជើង​ Las Vegas ប្រមាណ ១០០គីឡូម៉ែត្រ ដែលមាន​ទំហំ ៩២០
គីឡូម៉ែត្រក្រឡា ត្រូវបានគេចាត់ទុកថា ជាកន្លែងអាថ៌កំបាំងបំផុតក្នុងលោក។ តំបន់ ៥១ គឺជា
មូលដ្ឋានទ័ពដ៏អាថ៌កំបាំងបំផុត​ ត្រូវបានបង្កើតឡើងទៅតាមបញ្ជារបស់ប្រធានាធិបតី​អាមេរិក
កាលពីឆ្នាំ ១៩៥៥ ដែលកាលណោះគឺលោក Dwight Eisenhower ។ ទីនេះ ត្រូវបានគេប្រើ
សម្រាប់ការសាក​ល្បងយន្តហោះស៊ើបការសម្ងាត់ U-2 ដែលអភិវឌ្ឍដោយ​ក្រុមហ៊ុន Lockheed។

មកដល់ពេលនេះ មានការសន្និដ្ឋានជាច្រើនស្ដីអំពីតំបន់ ៥១ ទាក់ទឹននឹងមនុស្សភពក្រៅ ប៉ុន្តែ
លោក Charles Bowden អះអាងថា តំបន់នេះ មិនបានលាក់ទុកនូវអ្វីមួយដែលទាក់ទឹននឹង
មនុស្សភពក្រៅនោះទេ ប៉ុន្តែ នៅទីនេះគេប្រើប្រាស់​វា​ដើម្បីស្រាវជ្រាវ និងអភិវឌ្ឍផ្នែកវិទ្យា
សាស្ដ្របច្ចេកវិទ្យាសម្រាប់កងទ័ពអាមេរិក។

ទាក់ទឹននឹងរឿងមនុស្សភពក្រៅ និងតំបន់ ៥១ លោកស្រី​ Hillary Clinton មានប្រសាសន៍ថា បើ
សិនជាបានជាប់ឆ្នោត លោកស្រីនឹងបញ្ជូនកងកម្លាំងពិសេសមួយក្រុមទៅកាន់តំបន់ ៥១ ដើម្បី
ស្រាវជ្រាវ និងរកឱ្យឃើញថា តំបន់នេះ​មានលាក់អ្វីចម្លែកដែរ ឬអត់។

ប្រែសម្រួល ៖ បុត្រា