ថៃ ៖ ថ្មីៗនេះមានព័ត៌មានខ្សឹបខ្សាវថា តារាសម្តែងថៃ លោក weir sukollawat កំពុងតែលួចទាក់ទងគ្នាស្ងាត់ៗជាមួយតារាសម្តែងស្រី នាង Peak patrasayas បន្ទាប់ពីអ្នកទាំង ២ សម្តែងជាគូនឹងគ្នាក្នុងរឿងភាគមួយ ។
នៅក្នុងនោះផងដែរ នាង Bella បានចូលរួមនៅក្នុងព្រឹត្តិការណ៍មួយ ព្រមទាំងផ្តល់កិច្ចសម្ភាស៍ឲ្យអ្នកកាសែតជាច្រើនសំណួរទៀតផង ។
មិត្តស្រីរូបពិតរបស់លោក weir sukollawat បានបន្តទៀតថា នាងទើបមើលព័ត៌មាននេះ មុនពេលដែលខ្លួនចូលរួមព្រឹត្តិការណ៍ ហើយនាងមិនបានអាចបឈ្ឈប់ការគិតរបស់អ្នករាល់គ្នាបានទេ ព្រោះខ្លួនពិតជាសប្បាយចិត្តជាមួយនិងជីវិតរបស់នាងខ្លាំងណាស់ សព្វថ្ងៃនេះ ។
អ្នកកាសែត ៖ តើនាងមានបានសាកសួរ លោក weir sukollawat ហើយឬនៅចំពោះព័ត៌មាននេះ?
Bella ranee ៖ អត់ទេ! ខ្ញុំទើបតែឃើញព័ត៌មាននេះ មុនពេលដែលមកទីនេះបន្តិច ។
អ្នកកាសែត ៖ នៅក្នុងព័ត៌មានបានបញ្ជាក់ថា នាងមានជម្លោះជាមួយមនុស្សម្នាក់?
Bella ranee ៖ អត់ទេ! ខ្ញុំមិនដែលមានជម្លោះជាមួយអ្នកណាម្នាក់ឡើយ ។
អ្នកកាសែត ៖ តើនាង Bella ជឿជាក់ដែរ ឬទេថា weir ដែលជាមិត្តប្រុស ជាមនុស្សស្មោះត្រង់នឹងស្នេហា?
Bella ranee ៖ គ្រប់យ៉ាងគឺធម្មតា ។
នេះគឺជារូបថតរបស់ លោក weir sukollawat និងនាង Peak patrasayas ដែលមហាជនគិតថា ពួកគេកំពុងលួចទាក់ទងគ្នា
អ្នកកាសែត ៖ តើនាងមានអារម្មណ៍មិនសប្បាយចិត្តទេ នៅពេលដែលព័ត៌មានជាប់ទាក់ទងជាមួយនិងខ្លួនបែបនេះ?
Bella ranee ៖ ព័ត៌មាននេះមិនបានបញ្ចេញឈ្មោះទេ ដូច្នេះហើយខ្ញុំមិនបានគិតអ្វីទេ ។
អ្នកកាសែត ៖ តើនាងធ្លាប់ទៅកន្លែងថតរបស់លោក weir ដែលជាមិត្តប្រុសទេ?
Bella ranee ៖ មិនដែលសោះ ។
អ្នកកាសែត ៖ តើអ្នកនឹងនិយាយអ្វីជាមួយនិងមិត្តប្រុសអំពីព័ត៌មាននេះ?
Bella ranee ៖ ខ្ញុំមិនដែលនិយាយជាមួយគាត់អំពីរឿងបែបនេះឡើយ ។
អ្នកកាសែត ៖ ដូច្នេះគឺមានន័យថា ចាត់ទុកថាគ្មានរឿងអ្វីកើតឡើង?
Bella ranee ៖ ចាស!!
អ្នកកាសែត ៖ ឥលូវនិយាយចំពោះ នាង Peak patrasayas ដែលគេនិយាយថា គឺជាអ្នកទីបីរវាងស្នេហាអ្នកទាំង ២ តើនាង Bella ធ្លាប់ជួប ឬរួមការងារជាមួយនាងដែរ ឬ ទេ?
Bella ranee ៖ មិនធ្លាប់ទេ!!
អ្នកកាសែត ៖ តើនាងជឿចិត្តមិត្តប្រុស ១០០ភាគរយ មែនទេ?
Bella ranee ៖ គ្រប់យ៉ាងគឺធម្មតាដដែល ។
អ្នកកាសែត ៖ ចុះ Bella អត់ខ្វល់អំពីខមមិននៅរបស់អ្នកនិយមលេងអឺនធឺណិត?
Bella ranee ៖ ចាស!! អត់ខ្វល់ទេ ។
គួរបញ្ជាក់ឲ្យដឹងថា នាង Bella ranee និងលោក weir sukollawat បានចាប់ដៃគ្នា សាងស្នេហាជាង ៥ ឆ្នាំទៅហើយ គ្រាន់តែអ្នកទាំងពីរទើបតែលាតត្រដាងស្នេហាជាសាធារណៈ កាលពីពេលថ្មីៗនេះ ៕
នេះគឺជារូបថតរបស់នាង Bella ranee និងមិត្តប្រុសរូបសង្ហាគឺ លោក weir sukollawat
ប្រែសម្រួល ៖ គន្ធា
ប្រភព ៖ daranews