CamNews

ស្វែងរកកំរិតខ្ពស់
ព័ត៌មានអន្តរជាតិ 

អស្ចារ្យ!! អ្នកវិទ្យាសាស្រ្ត Clone វីរុស Zika ជាផ្លូវការហើយ មុនផលិត វ៉ាក់សាំង ការពារ និងប្រឆាំង

ព័ត៌មានអន្តរជាតិ ៖ ក្រុមអ្នកវិទ្យាសាស្រ្ត សហរដ្ឋអាមេរិក បានធ្វើការ Clone វីរុស Zika ដែលនេះគឺជា ការបោះជំហានមួយដ៏មានសារៈសំខាន់បំផុត ក្នុងការបង្កើតវ៉ាក់សាំងប្រឆាំងទៅនឹងវីរុសឆ្លងប្រភេទ នេះ។ 



គួរបញ្ជាក់ថា វីរុស Zika Clone ដែលជាស្នាដៃសិប្បនិម្មិតមួយនេះ គឺតាងនាមឲ្យវីរុស Zika ដែលបាន ឆ្លងរាលដាលពាសពេញ ទឹកដីសហរដ្ឋអាមេរិក ដែលនាំមកនូវបញ្ហាប្រឈមទារកកើតមកមានក្បាល តូចខុសប្រក្រតី ។ ក្រុមអ្នកវិទ្យាសាស្រ្ត បន្តឲ្យដឹងថា ពួកគេនឹងប្រើប្រាស់បទពិសោធន៍ Clone វីរុស Zika លើកនេះ​ឈានទៅផលិតឲ្យបាន វ៉ាក់សាំង ការពារ និងប្រឆាំងវីរុស Zika ឲ្យបានល្អឥតខ្ចោះ ។ ខណៈក្រុមអ្នកវិទ្យាសាស្រ្តខ្លួនឯងផ្ទាល់ រំពឹងទុកថា បេក្ខភាពនឹងត្រៀមខ្លួនរួចជាស្រេច ក្នុងការធ្វើ តេស្តិ៍សាកល្បង នៅប៉ុន្មានខាងមុខនេះ ក៏ប៉ុន្តែ អាចនឹងមានការចំណាយរយៈពេលច្រើនឆ្នាំ មុនពេល វ៉ាក់សាំងការពារទាំងនេះ មានសុវត្ថិភាព និងប្រសិទ្ធភាព ដូច្នេះ វាអាចបម្រើជាប្រយោជន៍ដល់ សាធារណៈជនផ្ទាល់តែម្តង។​ 



សេចក្តីរាយការណ៍ បញ្ជាក់ឲ្យដឹងថា វីរុស Zika ពិតជានាំមកនូវ បញ្ហាប្រឈមនៃហានិភ័យដល់ទារក នៅក្នុងផ្ទៃ ខណៈជាទូទៅ ពុំមានការផ្តល់នូវសញ្ញាណ រោគសញ្ញាណាមួួដល់ស្រ្តីជាម្តាយ ថាបានឆ្លង វីរុសប្រភេទនេះ នោះទេ ។ បន្ថែមពីនេះ ប្រភពពីក្រុមអ្នកជំនាញ បន្តឲ្យដឹងថា វ៉ាក់សាំង ក្នុងការការ ពារស្រ្តីពរពោះ ក៏ដូចជា ការពារ ពីហានិភ័យនៃការឆ្លងវីរុសនោះ គឺជាដំណើរការដ៏មានប្រសិទ្ធភាព ជាទីបំផុត ដែលពួកយើងត្រូវតែប្រយុទ្ធប្រឆាំង Zika ។ គួរបញ្ជាក់ថា មានក្រុមអ្នកសិក្សាស្រាវជ្រាវ ផ្សេងៗគ្នាជាច្រើន មកពីជុំវិញពិភពលោក កំពុងតែធ្វើការយ៉ាងសស្រាក់សស្រាំ ក្នុងការបង្កើតឲ្យ បាននូវវ៉ាក់សាំងការពារ និងប្រឆាំង វីរុស Zika ៕





ប្រែសម្រួល ៖ កុសល

ប្រភព ៖ ប៊ីប៊ីស៊ី 


Tags: Zika,  Int news,  US,  Obama, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......