ក្រុមអ្នកលេងម៉ូតូធំ សន្យាថានឹងការពារសន្តិសុខ នៅថ្ងៃលោកត្រាំ ស្បថចូលកាន់តំណែងជាប្រធានាធិបតីអាមេរិក
(វ៉ាស៊ីនតោន)៖ ស្ថាបនិកក្រុមអ្នកជិះម៉ូតូធំ ដែលហៅខ្លួនឯងថា «Biker for Trump ឬអ្នកជិះម៉ូតូធំដើម្បីត្រាំ» បានឱ្យដឹងថា ពួកគេបានត្រៀមខ្លួនរួចហើយ ក្នុងការចូលរួមក៏ដូចជា ការពារសន្តិសុខនៅអំឡុងពេល ពិធីចូលស្បថចូលកាន់តំណែងជាប្រធានាធិបតីអាមេរិកជាផ្លូវការ របស់លោក ដូណាល់ ត្រាំ ដែល នឹងប្រព្រឹត្តិទៅនៅថ្ងៃទី២០ ខែមករា ឆ្នាំ២០១៧។ នេះបើតាមការចេញផ្សាយដោយសារព័ត៌មាន Sputnik នៅថ្ងៃអាទិត្យ ទី១៥ ខែមករា ឆ្នាំ២០១៧។
ថ្លែងនៅក្នុងបទសម្ភាសន៍ជាមួយស្ថានីយ៍ទូរទស្សន៍ Fox News ស្ថាបនិកក្រុម Biker for Trump លោក គ្រីស ខុក (Chris Cox) បានបញ្ជាក់ថា សមាជិក ក្រុមអ្នកជិះម៉ូតូធំ របស់លោករាប់ពាន់នាក់ បានត្រៀមខ្លួនរួចជាស្រេច ដើម្បីការពារជនស៊ីវិល និងសន្តិសុខ នៅថ្ងៃលោក ដូណាល់ ត្រាំ ស្បថចូលកាន់ តំណែងជាប្រធានាធិបតីអាមេរិកទី៤៥ ដែលនឹងត្រូវធ្វើឡើងក្នុងរដ្ឋធានីវ៉ាស៊ីនតោន នៅថ្ងៃទី២០ ខែមករា ខាងមុខនេះ។ លោក គ្រីស ខុក បានថ្លែងយ៉ាង ដូច្នេះថា «យើងនឹងចូលរួមក្នុងពិធីតែងតាំង ហើយយើងនឹងបង្កើត «ជញ្ជាំងមនុស្ស» ការពារសុវត្ថិភាព ព្រមទាំងប្រឈមមុខនឹងក្រុមមនុស្សទាំងឡាយណា ដែលចង់បង្កអំពើហឹង្សា ឬក៏បំបែករនំាងការពាររបស់ប៉ូលិស»។
គួរបញ្ជាក់ថា ក្រុមម៉ូតូធំ Biker for Trump មានសមាជិករាប់ពាន់នាក់ នៅទូទាំងសហរដ្ឋអាមេរិក ក្នុងនោះមានដូចជារដ្ឋទិចសាស់, ផ្ល័រីដា, ភែនស៊ីលវ៉ា នៀ, អូហៃយ៉ូ, និងទីក្រុងញូយ៉ក។ ដោយឡែកក្រុមបាតុកររាប់ពាន់នាក់ ប្រឆាំងនឹងលោក ដូណាល់ ត្រាំ ក៏ត្រូវបានគេរំពឹងថា នឹងចូលរួមក្នុងបាតុកម្មតវ៉ាទ្រង់ទ្រាយធំមួយ នៅក្នុងថ្ងៃលោកត្រាំ ស្បថចូលកាន់តំណែងផងដែរ៕
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
