CamNews

ស្វែងរកកំរិតខ្ពស់
ព័ត៌មានអន្តរជាតិ 

យន្តហោះដឹកទំនិញឥណ្ឌូណេស៊ីបាត់ដំណឹង! ខណៈនេះអាជ្ញាធរកំពុងព្យាយាមស្វែងរកនៅភាគខាងកើត

(ហ្សាកាតា)៖ អាជ្ញាធរអាកាសចរណ៍ឥណ្ឌូណេស៊ីនៅថ្ងៃចន្ទនេះ បានចេញប្រតិបត្តិការដើម្បីតាមស្វែងរក យន្តហោះដឹកជញ្ជូនមួយគ្រឿងផ្ទុកមនុស្សបួននាក់នៅលើនោះ ដែលបានបាត់ការទាក់​ទងអំ​ឡុង​ពេលកំពុងស្ថិត នៅលើដែនអាកាសនៃខេត្ត Papua ភាគខាងកើតនៃប្រទេសអាស៊ីអាគ្នេយ៍មួយនេះ។ នេះបើតាមការចេញ ផ្សាយដោយទីភ្នាក់ងារព័ត៌មានចិន ស៊ិនហួរ នៅមុននេះ​បន្តិច​នារសៀលថ្ងៃចន្ទ ទី៣១ ខែតុលា ឆ្នាំ២០១៦។

ប្រធានទីភ្នាក់ងាររុករក និងជួយសង្រ្គោះនៃប្រទេសឥណ្ឌូណេស៊ី លោក Bambang Soelistyo បានឲ្យដឹងថា យន្តហោះសម្រាប់ប្រើប្រាស់ក្នុងការដឹកជញ្ជូនប្រភេទ DHC 4 Caribou បានដាច់វិទ្យុ​ទាក់ទង​ជាមួយស្ថានីយ៍ គ្រប់គ្រងការហោះហើរនៅយប់ថ្ងៃអាទិត្យម្សិលមិញនេះ អំឡុងពេលនៃការហោះហើរពីក្រុង Timika ទៅកាន់ក្រុង Ilaga នៃខេត្ត Paupa ហើយមនុស្សដែល​ស្ថិតនៅលើ​យន្តហោះនោះរួមមានពីឡុតចំនួនពីរូប អ្នកបច្ចេកទេសមួយរូប និងអ្នកគ្រប់គ្រងប្រតិបត្តិការហោះហើរមួយរូប។

ទន្ទឹមគ្នានេះដែរលោក Johannes Rettob ប្រធានមន្ទីរដឹកជញ្ជូនខេត្ត Papua បានឲ្យដឹងដែរថា យន្តហោះមួយចំនួនត្រូវបានបញ្ជូនទៅកាន់តំបន់ Jila Pass ដែលត្រូវបានគេសន្និដ្ឋាន​ថាជាទីតាំងដែល យន្តហោះដឹកជញ្ជូន DHC 4 បានបាត់ខ្លួនហើយ ប៉ុន្តែដោយសារតែនៅតំបន់នោះសំបូរទៅដោយអ័ព្ទក្រាស់ៗ ដូច្នេះគេពុំទាន់បានប្រទះឃើញអ្វីនៅឡើយនោះទេ។

គួរបញ្ជាក់ដែរថា ដោយសារតែសណ្ឋានដីពោរពេញទៅដោយជួរភ្នំ និងព្រៃឈើ យន្តហោះគឺជាមធ្យោបាយ តែមួយគត់ដែលសក្តិសមក្នុងការដឹកជញ្ជូនទំនិញក៏ដូចជាមនុស្សនៅកាន់ខេត្ត Papua នៃប្រទេសឥណ្ឌូណេស៊ី ប៉ុន្តែអាកាសធាតុដែលងាយនឹងប្រែប្រួលនៅទីនោះ ជាញឹកញាប់បានបណ្តាលឲ្យការធ្វើដំណើរតាមផ្លូវអាកាស ប្រឈមនឹងគ្រោះថ្នាក់ជាទីបំផុត ដូចដែលធ្លាប់​កើតមាន​ជាច្រើនដងមកហើយ៕



ប្រភព ៖ ស៊ិនហួរ


Tags: Indonesia,  plane,  int news,  plane crash, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......