ព័ត៌មានកីឡា៖ ថ្នាក់ដឹកនាំក្រុម Liverpool បានទទួចប្រាប់អ្នកសារព័ត៌មានថា Liverpool កំពុងតែអវត្ដមានខ្សែប្រយុទ្ធម្នាក់ហើយគឺកីឡាករ Daniel Sturridge ក្រោយពីមានបញ្ហារបួសកាលពីប្រកួតគ្នាជាមួយ Blackburn កាលពីជាង ២សប្ដាហ៍មុន ។
យោងតាមការផ្សព្វផ្សាយរបស់ប៊ីប៊ីស៊ី បានឲ្យដឹងថា Daniel Sturridge បានមានបញ្ហារបួស ២កន្លែងគឺ ត្រគៀកនិង ភ្លៅកាលពីកីឡាករទៅប្រកួតប៉ះជាមួយ Blackburn ក្នុងព្រឹត្ដិការប្រកួត FA Cup វគ្គពាក់កណ្ដាលផ្ដាច់ព្រ័ត្រ ។ ប្រភពព័ត៌មានបានបន្ដទៀតថា កីឡាករម្នាក់នេះ បានមានបញ្ហាអស់រយៈពេលជាច្រើនខែកន្លងមកហើយ ប៉ុន្ដែមិនទាន់ជាដាច់នៅឡើយ ។ ហើយប្រកួតចុងក្រោយនេះ កីឡាករត្រូវប្ដូរជើងប្រកួត ជំនួសដោយកីឡាករ Lambert នៅនាទីទី ៨៥។
លោក Brendan Rodgers បានអះអាងបន្ថែមទៀតផងដែរថា ពួកយើងនឹងមានឱកាសជួបគាត់ម្ដងទៀតក្នុងទីលានប្រកួត ប្រសិនបើរបួសគាត់ជាសះស្បើយ ក្នុងរដូវកាលនេះ។ ប៉ុន្ដែបើតាមការពិនិត្យ Daniel Sturridge និង អវត្ដមានរហូតចប់រដូវកាលនេះតែម្ដង។
ដោយ៖ អឿ អ៊ុយ
ប្រភព៖ ប៊ីប៊ីស៊ី